- మూడు ఇంజిన్ ఆప్షన్లలో లభిస్తున్న XUV300 ఫేస్లిఫ్ట్
- వచ్చే వారం నుంచి ఈ మోడల్ డెలివరీ ప్రారంభం కావచ్చని అంచనా
మహీంద్రా కంపెనీ ఇండియా అంతటా ఎంతో ఆసక్తిగా ఎదురుచూస్తున్న మోడల్ XUV 3XOని గత నెల 29న ఇండియాలో లాంచ్ చేసింది, దీని ప్రారంభ ఎక్స్-షోరూమ్ ధర రూ.7.49 లక్షలు. ఇది XUV300 ఫేస్లిఫ్ట్ వెర్షన్ కాగా, దీని పేరు ఇప్పుడు XUV 3XOగా మార్చబడింది. ఈ మోడల్ ఇప్పుడు దేశవ్యాప్తంగా ఉన్న డీలర్‌షిప్స్ వద్దకు చేరుకోవడం ప్రారంభమైందని ఇది వరకే మేము మీకు వెల్లడించాము.
ఈ 2024 మహీంద్రా XUV 3XO MX1, MX2, MX2 ప్రో, MX3, MX3 ప్రో, AX5, AX5 లగ్జరీ, AX7 మరియు AX7 లగ్జరీ అనే 9 వేరియంట్లలో అందుబాటులో ఉంది.అలాగే, కస్టమర్లు ఈ మోడల్ ని 16 కలర్ ఆప్షన్ల నుండి సెలెక్ట్ చేసుకోవచ్చు. అంతే కాకుండా, ఈ సెగ్మెంట్‌లో పనోరమిక్ సన్‌రూఫ్ అందించబడుతున్న మొదటి కారు XUV 3XO మాత్రమే.
మహీంద్రా XUV 3XO మూడు ఇంజిన్ ఆప్షన్లలో అందించబడింది. ఇందులో 1.2-లీటర్ టర్బో-పెట్రోల్ ఇంజిన్, 1.5-లీటర్ డీజిల్ ఇంజిన్ మరియు 1.2-లీటర్ టిజిడిఐ టర్బో-పెట్రోల్ ఇంజిన్ వంటివి ఉన్నాయి. ఈ ఇంజిన్లు 5-స్పీడ్ మాన్యువల్, 6-స్పీడ్ ఆటోమేటిక్ మరియు ఎఎంటి యూనిట్లతో జత చేయబడ్డాయి.
దేశంలోని టాప్-10 నగరాల్లో XUV 3XO ఆన్-రోడ్ ప్రారంభ ధరలు క్రింద ఇవ్వబడ్డాయి:
| సిటీ | ఆన్-రోడ్ ధర |
| ముంబై | రూ. 8.82 లక్షలు |
| ఢిల్లీ | రూ. 8.54లక్షలు |
| హైదరాబాద్ | రూ. 9.02 లక్షలు |
| విజయవాడ | రూ. 9.01 లక్షలు |
| చండీగర్ | రూ. 8.32లక్షలు |
| భోపాల్ | రూ. 8.57లక్షలు |
| పాట్నా | రూ. 8.79లక్షలు |
| కోల్ కతా | రూ. 8.72లక్షలు |
| అహ్మదాబాద్ | రూ. 8.32లక్షలు |
| చెన్నై | రూ. 8.96 లక్షలు |
అనువాదించిన వారు: సంజయ్ కుమార్
