మార్చి 2024లో ఆరాపై రూ. 33 వేల వరకు డిస్కౌంట్లను అందిస్తున్న హ్యుందాయ్

• రూ. 6.49  లక్షలతో ఆరా ధరలు ప్రారంభం
• ఈ ఏడాది జనవరిలో పెరిగిన ధరలు

దేశవ్యాప్తంగా సెలెక్ట్ చేసిన హ్యుందాయ్ డీలర్‌షిప్‌లు ఈ నెలలో తమ ఉత్పత్తులపై భారీ డిస్కౌంట్లను అందిస్తున్నాయి. ఈ బెనిఫిట్లను క్యాష్ డిస్కౌంట్స్, ఎక్స్ఛేంజ్ బోనస్‌ మరియు కార్పొరేట్ డిస్కౌంట్‌ల రూపంలో పొందవచ్చు.

మార్చి 2024లో, పెట్రోల్‌తో నడిచే హ్యుందాయ్ ఆరా రూ. 5,000క్యాష్ డిస్కౌంట్, రూ. 10,000 ఎక్స్ఛేంజ్ బోనస్ మరియు రూ. 5,000 కార్పొరేట్ డిస్కౌంట్ తో అందుబాటులో ఉంది. అదే సమయంలో, సబ్-ఫోర్-మీటర్ సెడాన్ యొక్క సిఎన్‍జి వేరియంట్‌లను కూడా రూ. 20,000 క్యాష్ డిస్కౌంట్, రూ. 10,000 ఎక్స్ఛేంజ్ బోనస్, మరియు రూ. 3,000 కార్పొరేట్ డిస్కౌంట్ పొందవచ్చు.

ఈ ఏడాది జనవరిలో హ్యుందాయ్ ఆరాపై రూ. 7,900 వరకు ధరలను పెంచింది. ఈ కారు - E, S, SX, SX ప్లస్ మరియు SX (O) అనే 5 వేరియంట్‌లలో లభిస్తుంది. ఈ మోడల్‌ 1.2-లీటర్, 4-సిలిండర్, నేచురల్లీ ఆస్పిరేటెడ్ పెట్రోల్ ఇంజిన్ 5-స్పీడ్ మాన్యువల్ మరియు ఏఎంటీ యూనిట్‌లతో జత చేయబడింది.

అనువాదించిన వారు: రాజపుష్ప