- ఈ నెలాఖరులో అవిష్కరించబడనున్న అప్‍డేటెడ్ గూర్ఖా రేంజ్
- మే-2024లో ధరలను ప్రకటించే అవకాశం
ఈ నెలాఖరులో దాని అరంగేట్రం జరగనుండగా, దాని కంటే ముందుగా గూర్ఖా 5-డోర్ మోడల్ ఫ్రెష్ టీజర్ ని ఫోర్స్ మోటార్స్ రిలీజ్ చేసింది. ఈ కొత్త టీజర్ వీడియోలో ఎస్‍యూవీకి సంబంధించిన కీలక ఫీచర్లు వెల్లడవ్వగా, చాలా వరకు ఫీచర్లు 3-డోర్ వెర్షన్ గూర్ఖా నుంచి తీసుకోబడతాయని మేము భావిస్తున్నాం.
టీజర్ లో చూసిన విధంగా, 2024గూర్ఖా 5-డోర్ ఫుల్లీ డిజిటల్ కలర్డ్ ఇన్‌స్ట్రుమెంట్ క్లస్టర్, అన్ని వీల్స్ కి హైలైన్ టిపిఎంఎస్ (స్పేర్ వీల్‌తో సహా), ఫ్రంట్ పవర్ విండోస్, డ్యూయల్-టోన్ ఇంటీరియర్ థీమ్, పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, మాన్యువల్ హ్యాండ్‌ బ్రేక్ మరియు గేర్ లీవర్ వెనుక క్యూబీ హోల్ వంటి ఫీచర్లను పొందనుంది. ముఖ్యంగా, ఈ కారు 3-వరుసల లేఅవుట్ తో వస్తుండగా, చివరి వరుసలో కెప్టెన్ సీట్లను పొందనుంది.
అంతేకాకుండా, కొత్త 5-డోర్ గూర్ఖా మోడల్ ఇంటిగ్రేటెడ్ ఎల్ఈడీ డీఆర్ఎల్స్ తో సర్క్యులర్ హెడ్ ల్యాంప్స్, ఫెండర్-మౌంటెడ్ టర్న్ ఇండికేటర్స్, మరియు కారు ముందు మరియు వెనుక భాగాల్లో మాన్యువల్ డిఫరెన్షియల్ లాక్స్, ఈ రెండింటినీ ఆపరేట్ చేయడానికి సెంటర్ కన్సోల్‌లో ఉన్న లీవర్స్ వంటి వాటిని పొందుతుంది.
బానెట్ కింద, ఇంతకు ముందున్న 3-డోర్ గూర్ఖా లాగానే రాబోయే (అప్‍కమింగ్) 5-డోర్ గూర్ఖా 2.6-లీటర్ డీజిల్ ఇంజిన్ 5-స్పీడ్ మాన్యువల్ గేర్ బాక్సుతో జతచేయబడి వచ్చే అవకాశం ఉంది. అలాగే ఇది స్టాండర్డ్ గా 4x4 సిస్టంతో అందించబడవచ్చు.
అనువాదించిన వారు: సంజయ్ కుమార్
