జూలైలో తగ్గిన టయోటా టైజర్ వెయిటింగ్ పీరియడ్; ఇప్పుడు బుక్ చేస్తే ఎప్పుడు ఇంటికి చేరుకుంటుందంటే!

• ఇండియాలో రూ. 7.73 లక్షలతో అర్బన్ క్రూజర్ టైజర్ ధరలు ప్రారంభం
• మారుతి ఫ్రాంక్స్ ఆధారంగా వచ్చిన టైజర్ మోడల్

ఏప్రిల్-2024లో టయోటా అర్బన్ క్రూజర్ టైజర్ మోడల్ ఇండియన్ మార్కెట్లో ప్రవేశించింది. మారుతి మరియు టయోటా మధ్య ఒక వెంచర్ ని నెలకొల్పగా, ఇప్పుడు ఈ వెంచర్ నుంచి వస్తున్న వివిధ కార్లలో ఒకటిగా ఈ ఫ్రాంక్స్ బేస్డ్ కూపే-ఎస్‍యూవీ రాగా, దీని ధర రూ.7.73 లక్షలుగా (ఎక్స్-షోరూం) ఉంది. ఇప్పుడు మనం ఈ ఆర్టికల్ ద్వారా, లాంచ్ అయిన కొన్ని నెలల తర్వాత దీనిపై ఉన్న వెయిటింగ్ పీరియడ్ ని తెలుసుకుందాం.

జూలై-2024లో టయోటా అర్బన్ క్రూజర్ టైజర్ పై బుకింగ్ చేసిన తేదీ నుంచి కేవలం ఒక నెల మాత్రమే వెయిటింగ్ పీరియడ్ ఉంది. ఈ టైం లైన్ పాన్-ఇండియా లెవెల్లో వర్తిస్తుండగా మరియు ఇది కలర్, వేరియంట్, మరియు రీజియన్ లేదా లొకేషన్ వంటి వివిధ అంశాలను బట్టి మారే అవకాశం ఉంది. ముఖ్యంగా చెప్పాలంటే, జూన్-2024లో ఈ వెయిటింగ్ పీరియడ్ రెండు నెలలుగా ఉంది. ఇప్పుడు ఇది కాస్త తగ్గి ఒక నెల అయ్యింది. 

అలాగే, అర్బన్ క్రూజర్ టైజర్ మోడల్ E, S, S+, G, మరియు V అనే 5 వేరియంట్లలో అందించబడింది. ఇంకా, కస్టమర్లు ఈ మోడల్ ని ఐదు మోనోటోన్ మరియు మూడు డ్యూయల్-టోన్ కలర్లలో పొందవచ్చు. ఇందులోని పవర్ ట్రెయిన్ ఆప్షన్లలో 1.2-లీటర్, ఫోర్-సిలిండర్, నేచురల్లీ ఆస్పిరేటెడ్ పెట్రోల్ మోటార్ మరియు 1.0-లీటర్, త్రీ-సిలిండర్, టర్బో-పెట్రోల్ ఇంజిన్ ఉన్నాయి. అలాగే ఇది సిఎన్‍జి వెర్షన్లో కూడా అందించబడింది. మేము టయోటా టైజర్ ని డ్రైవ్ చేసిన రివ్యూ వీడియో వెబ్ సైట్ లో అందుబాటులో ఉంది. దీనిని మీరు మా వెబ్ సైట్ ని సందర్శించి చదువగలరు. 

అనువాదించిన వారు: సంజయ్ కుమార్