- మారుతి ఫ్రాంక్స్ బేస్డ్ క్రాస్ ఓవర్ పై టెస్టింగ్
- ఫ్రాంక్స్ లాగే ఒకే రకమైన పెర్ఫార్మెన్స్ అందించిన టైజర్
టయోటా నుంచి లేటెస్టుగా మారుతి ఫ్రాంక్స్ బేస్డ్ మోడల్ గా టైజర్ కారు అందించబడింది. అయితే, తాజాగా మేము టెస్టింగ్ చేయాలనుకున్న కార్ల లిస్టుకు టైజర్ మోడల్ ని జత చేసి దీని రియల్-వరల్డ్ మైలేజీ వివరాలను తెలుసుకున్నాము, టైజర్ కారు ఏవిధమైన పెర్ఫార్మెన్స్ అందించిందో ఈ ఆర్టికల్ ద్వారా మీకు తెలియజేయబోతున్నాము.
పవర్ ట్రెయిన్ ఆప్షన్లు
మారుతి ఫ్రాంక్స్ కారు లాగే టయోటా టైజర్ కారు కూడా ఒకేరకమైన 1.2-లీటర్ నేచురల్లీ ఆస్పిరేటెడ్ పెట్రోల్ ఇంజిన్ తో వచ్చింది. దీని ఇంజిన్ ని 5-స్పీడ్ మాన్యువల్ లేదా ఎఎంటి గేర్ బాక్సుతో జతచేసి పొందవచ్చు. అలాగే, ఈ కారు సిఎన్జి వెర్షన్ ఆప్షన్ తో కూడా వచ్చింది. అయితే, మరింత పవర్ ప్యాక్డ్ వెర్షన్ గా వచ్చిన ఈ కారు 1.0-లీటర్ టర్బో ఛార్జ్డ్ పెట్రోల్ ఇంజిన్ తో రాగా, ఈ ఇంజిన్ 99bhp మరియు 148Nm టార్కును ఉత్పత్తి చేస్తుంది. దీని ఇంజిన్ 6-స్పీడ్ టార్క్ కన్వర్టర్ ఆటోమేటిక్ ట్రాన్స్మిషన్ తో లేదా 5-స్పీడ్ మాన్యువల్ గేర్ బాక్సుతో జత చేయబడి రాగా, దీన్నే మేము టెస్టింగ్ కి ఉపయోగించాము.
సిటీ మైలేజీ
ఫ్రాంక్స్ వలె, టైజర్ కారు కూడా ఒకేవిధమైన పెర్ఫార్మెన్స్ ని అందిస్తూ, గ్రేట్ డ్రైవింగ్ ఎక్స్పీరియన్స్ ని అందించింది. సిటీ మైలేజీ టెస్టులో, ఇది 78.3 కిలోమీటర్ల దూరాన్ని కవర్ చేయడానికి 5.32 లీటర్ల పెట్రోల్ ని వినియోగించగా, 14.72 కెఎంపిఎల్ రియల్-వరల్డ్ మైలేజీని అందించింది. అంటే, లీటరుకి ఈ కారు 14.72 మైలేజీని అందిస్తుంది అన్నమాట. 15.3కెఎంపిఎల్ అందించినట్లు ఇంస్ట్రుమెంట్ క్లస్టర్ చూపించింది. ఈ రెండింటిలో కొంతవరకు తేడా అయితే స్పష్టంగా కనిపిస్తుంది.
హైవే మైలేజీ
హైవేపై టెస్టింగ్ చేస్తుండగా, మల్టీఫంక్షన్ ఇంస్ట్రుమెంట్ డిస్ ప్లే 22-23కెఎంపిఎల్ మైలేజీని చూపించగా, టెస్ట్ చివరి వరకు ఇది 21.2 కెఎంపిఎల్ గా నమోదైంది. టయోటా టైజర్ కారును హైవేపై డ్రైవ్ చేస్తుండగా, 90.6 కిలోమీటర్ల దూరాన్ని కవర్ చేయడానికి 4.85 లీటర్ల ఫ్యూయల్ ని వినియోగించింది. దీని ద్వారా వెల్లడైంది ఏంటి అంటే, టైజర్ కారు 18.68కెఎంపిఎల్ ఫ్యూయల్ ఎఫిషియన్సీని అందిస్తుందని అర్థం అయ్యింది.
హైవే మరియు సిటీ మైలేజీని యావరేజ్ గా పరిశీలిస్తే, టైజర్ టర్బో-పెట్రోల్ కారు లీటరుకు 15.71 కిలోమీటర్ల రియల్ వరల్డ్ మైలేజీని అందించి, బెస్ట్ పవర్ ప్యాక్డ్ కారుగా నిలిచింది. ఈ కారు 37 లీటర్ల ఫుల్ ట్యాంక్ కెపాసిటీని కలిగి ఉండగా, ఈ మైలేజీతో సుమారు 581 కిలోమీటర్ల వరకు ఎలాంటి అవాంతరాలు లేకుండా ప్రయాణం చేయవచ్చు.
అనువాదించిన వారు: సంజయ్ కుమార్