- రూమియన్, మారుతి ఎర్టిగా మరియు కియా కారెన్స్ వంటి కార్లతో పోటీ
- ఐదు కలర్లు మరియు మూడు వేరియంట్లలో లభ్యం
టయోటా కిర్లోస్కర్ మోటార్ సెప్టెంబర్-2024లో దాని కార్ల వెయిటింగ్ పీరియడ్ వివరాలను అప్‌డేట్ చేసింది. ప్రస్తుతానికి, టయోటా నుంచి వచ్చిన వివిధ మోడల్స్ కి సంబంధించిన వెయిటింగ్ టైమ్‌లైన్స్ గణనీయంగా తగ్గాయి. రెండు రోజుల క్రితం ఇదే కంపెనీ నుంచి వచ్చిన హైరైడర్ మోడల్ వెయిటింగ్ పీరియడ్ వివరాలను మీకు అందించాము. ఇప్పుడు, ఈ ఆర్టికల్ ద్వారా రూమియన్ ఎంపివి వెయిటింగ్ పీరియడ్ వివరాలను పరిశీలిద్దాం.
ప్రస్తుతం, సెప్టెంబర్ 2024 నాటికి టయోటా రూమియన్ ఎనిమిది వారాల వరకు వెయిటింగ్ పీరియడ్‌ని కలిగి ఉంది. ఇదే మోడల్ పై మార్చి నెలలో 32 వారాల పాటు వెయిటింగ్ పీరియడ్ ఉండేది. ఈ సంవత్సరం ప్రారంభంలో ఉన్న టైమ్‌లైన్‌లతో పోలిస్తే ఇది చాలా వరకు తగ్గిందని చెప్పవచ్చు. ఎంపివి సెగ్మెంట్‌లో, రూమియన్ మోడల్ కియా కారెన్స్ మరియు మారుతి ఎర్టిగా వంటి కార్లతో పోటీ పడుతుంది. మరీ ముఖ్యంగా, మారుతి నుంచి మోస్ట్ పాపులర్ మోడళ్లలో ఒకదానిగా వచ్చిన ఈ రీబ్యాడ్జ్డ్ వెర్షన్ రూ.10.44 లక్షల ఎక్స్-షోరూం ధరతో, మూడు వేరియంట్లు మరియు ఐదు కలర్లలో అందించబడుతుంది.
తగ్గిన వెయిటింగ్ పీరియడ్‌ని గమనిస్తే, కస్టమర్లకు ఇది చాలా వరకు ఉపశమనాన్ని కలిగిస్తుందని భావించవచ్చు. ఎందుకంటే, తాజాగా కార్ల కొనుగోలు డిపార్ట్ మెంట్ సేల్స్ కొంతవరకు తగ్గాయి. ఇంకా చెప్పాలంటే,ఇతర కార్ల కంపెనీలు తమ సేల్స్ ని పెంచుకోవడానికి కొత్త కొత్త మోడల్స్ ని లాంఛ్ చేశాయి. రెండవ అంశం ఏమిటంటే, ఇతర కార్ల కంపెనీలు డిస్కౌంట్లు, కాంప్లిమెంటరీ యాక్సెసరీలు మరియు ఆకర్షణీయమైన ధరలలో కొత్త స్పెషల్ ఎడిషన్ వెర్షన్‌లను కస్టమర్లకు అందుబాటులోకి తెస్తున్నాయి.
అనువాదించిన వారు: సంజయ్ కుమార్
