![తాత్కాలికంగా నిలిపివేయబడ్డ టయోటా రూమియన్ సిఎన్జి బుకింగ్స్, ఎందుకో తెలుసా ! తాత్కాలికంగా నిలిపివేయబడ్డ టయోటా రూమియన్ సిఎన్జి బుకింగ్స్, ఎందుకో తెలుసా !](https://imgd.aeplcdn.com/642x361/n/cw/ec/158255/toyota-rumion-right-front-three-quarter1.jpeg?isig=0&q=80)
- ఇండియాలో రూ.10.29లక్షలు(ఎక్స్ షోరూం)నుండి రూమియన్ ధరలు ప్రారంభం
- 3 వేరియంట్స్ లో అందుబాటులో ఉన్న టయోటా రూమియన్
టయోటా కిర్లోస్కర్ మోటార్ దాని బి-సెగ్మెంట్ ఎంపివి, రూమియన్ సిఎన్జి వేరియంట్ బుకింగ్స్ తాత్కాలికంగా నిలిపివేసింది. కస్టమర్స్ నుంచి అధిక స్పందన కారణంగా ఈ చర్య తీసుకుంటున్నట్లు స్పష్టంగా తెలుస్తుంది, దీని ఫలితంగా ఎంపివి కోసం మరింత కాలం వేచి చూసే అవకాశం ఉంది. తయారీదారు నుండి తదుపరి ప్రకటన వచ్చే లోపు 23 సెప్టెంబర్, 2023 నుండే ఇది అమలుకానుంది. అయినప్పటికీ, కొనుగోలుదారులు మారుతి సుజుకి ఎర్టిగా రీబ్యాడ్జ్డ్ వెర్షన్ పెట్రోల్ వేరియంట్స్ ని ఇప్పటికీ బుక్ చేసుకునే అవకాశం ఉంది.
![Toyota Rumion Left Rear Three Quarter Toyota Rumion Left Rear Three Quarter](https://imgd.aeplcdn.com/0x0/statics/grey.gif)
రూమియన్ S, G,మరియు Vఅనే 3 వేరియంట్స్ లో అందుబాటులో ఉంది. ఇది స్పంకీ బ్లూ, కేఫ్ వైట్, ఎంటైసింగ్ సిల్వర్, ఐకానిక్ గ్రే మరియు రస్టిక్ బ్రౌన్ కలర్స్ లో లభ్యమవుతుంది. ఈ ఎంపివి 1.5-లీటర్ ఎన్ఏపెట్రోల్ ఇంజన్ 102bhp పవర్ మరియు 136.8Nmటార్క్ ఉత్పత్తి చేసేందుకు వీలుగా 5-స్పీడ్ మాన్యువల్ గేర్బాక్స్ మరియు 6-స్పీడ్ టార్క్ కన్వర్టర్తో జత చేయబడింది. ముఖ్యంగా, గ్యాసోలిన్ ఇంజిన్ 20.5కెఎంపిఎల్వరకు ఏఆర్ఏఐ సర్టిఫైడ్ ఫ్యూయల్ ఎఫిషియన్సీని అందిస్తుంది.
అధికారిక ప్రెస్ నోట్ లో “ మేము ఈ సంవత్సరం ఆగస్టులో టయోటా రూమియన్ లాంచ్ చేయగా, దీనికి బి-ఎంపివి సెగ్మెంట్ కస్టమర్స్ నుంచి అధిక సంఖ్యలో స్పందన లభించింది. టయోటా రూమియన్ గురించి ఎంక్వైరీలు మరియు బుకింగ్స్ పెరుగుతున్నాయి, దీంతో మేము ఎంతో సంతోషిస్తున్నాం. కానీ, అంచనాలకు మించి డిమాండ్ పెరగడం, ఫలితంగా అన్నీ వేరియంట్స్ డెలివరీ చేయడానికి చాలా సమయం పడుతుంది. ముఖ్యంగా చెప్పాలంటే, సిఎన్జి ఆప్షన్ కి చాలా సమయం పడుతుంది. దీంతో కస్టమర్స్ అసౌకర్యానికి గురికావద్దు, అందుకోసమే సిఎన్జి ఆప్షన్ బుకింగ్స్ ను తాత్కాలికంగా నిలిపివేశాం. అయినప్పటికీ, మేము టయోటా రూమియన్ పెట్రోల్ వేరియంట్ బుకింగ్స్ ను అనుమతిస్తున్నాం.” అని కంపెనీ వర్గాలు తెలిపాయి.
అనువాదించిన వారు: సంజయ్ కుమార్