ఇండియాలో గ్లాంజా ఫెస్టివ్ ఎడిషన్ ని లాంచ్ చేసిన టయోటా; ఒకే నెలలో టయోటా నుంచి మూడు స్పెషల్ ఎడిషన్లు లాంచ్

• రూ.20.567 విలువైన కాంప్లిమెంటరీ యాక్సెసెసరీస్ మీ సొంతం
• ఇదే నెలలో మూడు స్పెషల్ ఎడిషన్లను లాంచ్ చేసిన టయోటా

టయోటా కిర్లోస్కర్ మోటార్ (టికెఎం) పండుగ సీజన్ సందర్భంగా దాని రేంజ్ లో మరో స్పెషల్ ఎడిషన్ ని తీసుకువచ్చింది. గ్లాంజా ఫెస్టివ్ ఎడిషన్ గా దీనిని పిలుస్తుండగా, ఇది రూ.20.567 విలువైన కాంప్లిమెంటరీ యాక్సెసెసరీస్ ని అందుకుంది. అది కూడా ఒరిజినల్ గా టయోటా జెన్యూన్ యాక్సెసరీస్ (టిజిఎ) నుంచి వచ్చినవి కావడం విశేషం.

ఇది 2024 అక్టోబర్ 31వరకు మాత్రమే అందుబాటులో ఉంటుండగా, ఇందులో అందించే యాక్సెసరీస్ లో క్రోమ్ మరియు బ్లాక్ బాడీ సైడ్ మౌల్డింగ్, రియర్ డోర్ మరియు ఓఆర్‍విఎంలపై క్రోమ్ ఇన్సర్ట్స్, రియర్ రిఫ్లెక్టర్, ఫెండర్, మరియు రియర్ బంపర్ వంటి 13 యాక్సెసరీస్ ఉన్నాయి.

అదనంగా, గ్లాంజా స్పెషల్ ఎడిషన్ కారు త్రీడీ ఫ్లోర్ మ్యాట్స్, డోర్ వైజర్స్, బ్లాక్ మరియు సిల్వర్ కలర్ లో నెక్ (మెడ బాగంలో) కుషన్స్, మరియు ఒక వెల్ కం డోర్ ల్యాంప్ వంటి అంశాలతో వచ్చింది.

బానెట్ కింద పరిశీలిస్తే, కొత్త గ్లాంజా ఫెస్టివ్ ఎడిషన్ కారు ఇంతకు ముందు వెర్షన్లలో అందించిన 1.2-లీటర్ ఎన్ఎ పెట్రోల్ ఇంజిన్ తో రాగా, దీనిని 5-స్పీడ్ మాన్యువల్ మరియు ఎఎంటి యూనిట్లతో జతచేసి పొందవచ్చు. బడ్జెట్ ని దృష్టిలో ఉంచుకొని కారును కొనుగోలు చేయాలనుకునే కస్టమర్లకు ఇందులో సిఎన్‍జి వెర్షన్లు కూడా అందుబాటులో ఉన్నాయి. ఇంకా చెప్పాలంటే, కస్టమర్లు గ్లాంజా కారును నాలుగు వేరియంట్లలో మరియు అయిదు కలర్ల నుంచి సెలెక్ట్ చేసుకోవచ్చు.

అనువాదించిన వారు: సంజయ్ కుమార్