- గతంలో విపరీతమైన డిమాండ్ కారణంగా హైక్రాస్ బుకింగ్స్ నిలిపివేత
- సరఫరాను కొనసాగిస్తూ ప్రారంభమైన బుకింగ్స్
టయోటా కిర్లోస్కర్ మోటార్ (టికెఎం) ఇన్నోవా హైక్రాస్ లోని టాప్-స్పెక్ వేరియంట్ల బుకింగ్స్ ని మరోసారి తిరిగి ప్రారంభించింది. ఈ అప్ డేట్ 2024 ఆగస్టు 1వ తేదీ నుంచి అమలులోకి రాగా, ఇది ఇన్నోవా హైక్రాస్ ఎంపివిలోని ZX మరియు ZX (O) వేరియంట్లపై వర్తించనుంది.
కంపెనీ ప్రకారం, ఇన్నోవా హైక్రాస్ టాప్-స్పెక్ వేరియంట్లకు అధిక డిమాండ్ ఏర్పడడంతో వీటి బుకింగ్స్ నిలిపివేయబడ్డాయి. ఇప్పుడు, ఆటోమేకర్ వాటిని రెగ్యులరైజ్ చేసి, మెరుగైన సరఫరాను అందించనున్నట్లు వెల్లడించింది. దీనితో ఆటోమేకర్ బుకింగ్లను తిరిగి ప్రారంభిస్తున్నట్లు ఆటోమేకర్ పేర్కొంది. ఇంతకు ముందు వీటిపై అధిక వెయిటింగ్ పీరియడ్ ఉంటుండగా, ఇప్పుడు వెయిటింగ్ పీరియడ్ కూడా తగ్గించామని టయోటా పేర్కొంది.
బ్రాండ్ టిఎన్జిఎ ప్లాట్ఫారమ్ ఆధారంగా వచ్చిన టయోటా ఇన్నోవా హైక్రాస్, మొత్తం GX, GX (O), VX, VX (O), ZX మరియు ZX (O) అనే ఆరు వేరియంట్లలో అందుబాటులో ఉండగా, దీనిని ఏడు మరియు ఎనిమిది సీట్ల కాన్ఫిగరేషన్లలో పొందవచ్చు. అదనంగా, కస్టమర్లు దీనిని 2.0-లీటర్ ఎన్ఎ పెట్రోల్ ఇంజన్ లేదా 2.0-లీటర్ ఎన్ఎ పెట్రోల్-హైబ్రిడ్ పవర్ట్రెయిన్ల నుండి కూడా ఎంచుకోవచ్చు. ట్రాన్స్మిషన్ ఆప్షన్ సివిటి మరియు ఈ-సివిటి యూనిట్ వంటి వాటికి పరిమితం చేయబడ్డాయి.
అనువాదించిన వారు: సంజయ్ కుమార్