- త్వరలోనే ఇండియాలో టాటా పంచ్ ఈవీ ధరల ప్రకటన
- ఆప్షనల్ సన్‌రూఫ్ ను పొందనున్న పంచ్ సెలెక్టెడ్ వేరియంట్స్
టాటా మోటార్స్ ఇండియాలో కేవలం రూ.25,000 బుకింగ్ అమౌంట్ తో కొత్త పంచ్ ఈవీ యొక్క బుకింగ్స్ ప్రారంభించింది. కొన్ని వారాల్లో వీటి ధరలను ప్రకటించనుండగా, దాని కంటే ముందు టాటా కంపెనీ ఎలక్ట్రిక్ బి-ఎస్‍యూవీ యొక్క వేరియంట్స్ మరియు కలర్ ఆప్షన్ల పూర్తి వివరాలను వెల్లడించింది.
కలర్స్ పరంగా, టాటా పంచ్ ఈవీ ఎంపవర్డ్ ఆక్సైడ్ డ్యూయల్-టోన్, సీడ్‌వుడ్ డ్యూయల్-టోన్, ఫియర్‌లెస్ రెడ్ డ్యూయల్-టోన్, డేటోనా గ్రే డ్యూయల్-టోన్ మరియు ప్రిస్టిన్ వైట్ డ్యూయల్-టోన్ అనే 5 కలర్ ఆప్షన్స్‌లో అందుబాటులోకి రానుంది. ఇక వేరియంట్స్ విషయానికి వస్తే, కస్టమర్లు దీనిని స్మార్ట్, స్మార్ట్+, అడ్వెంచర్, ఎంపవర్డ్ మరియు ఎంపవర్డ్+ అనే 5 వేరియంట్ల నుండి ఎంచుకోవచ్చు.
ముఖ్యమైన విషయం ఏంటి అంటే, 2024 పంచ్ ఈవీలోని టాప్-3 వేరియంట్స్ ఎలక్ట్రిక్ సన్‌రూఫ్ ను ఆప్షనల్ ఫీచర్ గా పొందనున్నాయి. అలాగే ఇది పంచ్.ఈవీ మరియు పంచ్.ఈవీ లాంగ్ రేంజ్ అనే 2 వెర్షన్లలో అందించబడుతుంది. ఇందులో 3.3kW వాల్ బాక్స్ ఛార్జర్ స్టాండర్డ్ గా రానుండగా, 7.2kW ఫాస్ట్ హోం ఛార్జర్ లాంగ్ రేంజ్ వెర్షన్ లో అందుబాటులోకి రానుంది. టాటా పంచ్ ఈవీకి సంబంధించిన మరెన్నో వివరాలను మేము మా కార్‌వాలే వెబ్ సైట్ లో పొందుపరిచాము. ఇప్పుడే మా వెబ్ సైట్ ను సందర్శించి పంచ్ ఈవీకి సంబంధించిన పూర్తి వివరాలు తెలుసుకోండి.
అనువాదించిన వారు: సంజయ్ కుమార్
