- ఇండియాలో రూ. 6.13 లక్షలతో ప్రారంభమైన పంచ్ ధరలు
- 2021 అక్టోబర్ నెలలో లాంచ్ అయిన మోడల్
టాటా పంచ్ 34 నెలల సమయంలోనే 4 లక్షల యూనిట్ల విక్రయాలను అధిగమించి సరికొత్త మైలురాయిని సాధించిందని టాటా మోటార్స్ ప్రకటించింది. అలాగే, 2021 అక్టోబర్ లో ఇండియన్ మార్కెట్లో లాంచ్ అయిన బి-ఎస్యువి, సిట్రోన్ C3 మరియు హ్యుందాయ్ ఎక్స్టర్ వంటి వాటికి పోటీగా ఉంది.
టాటా పంచ్ 2021 అక్టోబర్ లో లాంచ్ అయిన తర్వాత, 2022 ఆగస్ట్ లో ఉత్పత్తిని ప్రారంభించగా కేవలం 10 నెలల్లోనే 1 లక్ష యూనిట్ల ప్రొడక్షన్ మైలురాయిని చేరుకుంది. దీని తర్వాత 2023 మే మరియు 2023 డిసెంబర్ నెలల్లో వరుసగా 2 లక్షలు మరియు 3 లక్షల యూనిట్ల విక్రయాల మైలురాళ్లను చేరుకుంది. అలాగే, గ్లోబల్ ఎన్ క్యాప్ క్రాష్ టెస్ట్లో5-స్టార్ రేటింగ్ స్కోర్ చేయడంతో దాని కేటగిరిలో ఉన్న మోడల్స్ కంటే అత్యంత సేఫ్ కారుగా పంచ్ రికార్డును కూడా కలిగి ఉంది.
అతి తక్కువ సమయంలో ఎక్కువ విక్రయాల మైలురాయిని సాధించడంలో పంచ్ ఈ బ్రాండ్కు సహాయపడిన ముఖ్య అంశం ఏమిటంటే, వివిధ రకాల ఫ్యూయల్ ఆప్షన్స్ తో పంచ్ అందుబాటులో ఉండడమే అని చెప్పవచ్చు. ప్రస్తుతం, ఎక్స్టర్ కిపోటీగా ఉన్న టాటా పంచ్ పెట్రోల్, సిఎన్జి మరియు ఈవీ పవర్ట్రెయిన్లతో అందించబడుతోంది. అలాగే, పంచ్ ఈవీ మరియు ట్విన్-సిఎన్జి సిలిండర్ వెర్షన్లు ఈ సంవత్సరం ప్రారంభంలో ప్రవేశపెట్టబడ్డాయి అనే విషయాన్ని ప్రత్యేకంగా చెప్పనక్కర్లేదు.గతంలో, ఇది సింగిల్ సిలిండర్ సిఎన్జి ట్యాంక్తో మాత్రమే అందుబాటులో ఉండేది.
మోడల్ ప్రకారంగా చూస్తే పంచ్ మోడల్ , కేవలం పెట్రోల్ వేరియంట్ నుండి 53 శాతం విక్రయాలు పొందగా, తరువాత సిఎన్జి వేరియంట్ నుండి 33 శాతం విక్రయాలు పొందినట్లు టాటా వెల్లడించింది.సిట్రోన్ eC3 తో ప్రత్యేకంగా పోటీపడే పంచ్ ఈవీ డెరివేటివ్ ఇండియన్ మార్కెట్లో 14 శాతం విక్రయాలను కలిగి ఉంది. మరీముఖ్యమైన అంశం ఏంటి అంటే , 21 శాతం మంది కస్టమర్లు పంచ్ ఈవీ కారును తమ మొట్ట మొదటి కారుగా కొనుగోలు చేశారు.
అనువాదించిన వారు: రాజపుష్ప