- ఎంపవర్డ్ ప్లస్ వెర్షన్ అధారంగా వచ్చిన స్పెషల్ ఎడిషన్
- ఎక్స్-షోరూం ధర రూ.17.19 లక్షలు
టాటా మోటార్స్ లేటెస్టుగా నెక్సాన్ సిఎన్‍జి వెర్షన్ తో పాటుగా నెక్సాన్ ఈవీ రెడ్ డార్క్ ఎడిషన్ ని కూడా లాంచ్ చేసింది. ఈ కొత్త ఇటరేషన్ ఎంపవర్డ్ ప్లస్ వేరియంట్ ఆధారంగా రాగా, ఈ స్పెషల్ ఎడిషన్ ఎక్స్-షోరూం ధర రూ.17.19 లక్షలు ఉంది. ఇప్పుడు, లాంచ్ తర్వాత, ఈ మోడల్ దేశవ్యాప్తంగా ఉన్న డీలర్ షిప్స్ వద్దకు చేరుకోవడం కూడా ప్రారంభమైంది. ఒకవేళ మీరు నెక్సాన్ ఈవీ రెడ్ డార్క్ ఎడిషన్ ని బుక్ చేసుకున్నట్లయితే మీకు సమీపంలో ఉన్న డీలర్ షిప్ ని సంప్రదించగలరు.
కొత్త నెక్సాన్ ఈవీ రెడ్ డార్క్ ఎడిషన్, దాని పేరుకు తగ్గట్లుగానే కారు అంతటా బయటా మరియు లోపల రెడ్ యాక్సెంట్స్ తో ఆల్-బ్లాక్ కలర్ ని పొందింది. ఎక్స్‌టీరియర్ పరంగా, ఈ ఎలక్ట్రిక్ కారు బయటి వైపు ఉన్న బ్లాక్ కలర్ లో ఉన్న రూఫ్ రెయిల్స్, 16-ఇంచ్ అల్లాయ్ వీల్స్, లోయర్ గ్రిల్, మరియు ఒఆర్‍విఎం వంటి అంశాలు కార్బన్ బ్లాక్ కలర్ స్క్రీం ఫినిషింగ్ ని పొందాయి. ఇంకా చెప్పాలంటే, కస్టమర్లకు ఆకర్షించే విధంగా మరియు మరింత హైలైట్ అయ్యే విధంగా నెక్సాన్ ఈవీ రెడ్ డార్క్ ఎడిషన్ కారు కారు ముందు భాగంలో ఫ్రంట్ ఫెండర్లపై #Dark అనే బ్యాడ్జింగ్ ని కూడా పొందింది.
ఇంటీరియర్ పరంగా, కారు లోపల చూస్తే, ఆల్-బ్లాక్ డ్యాష్ బోర్డు లేఅవుట్ అంతా డ్యూయల్-టోన్ కలర్ ని పొందగా, రెడ్ కలర్డ్ సీట్లను కలిగి ఉంది. కారు ముందు సీట్లపై ఉన్న హెడ్ రెస్ట్స్ పై #Dark అనే బ్యాడ్జింగ్ ని పొందడంతో, ఇవి కారుకు మరింత అందాన్ని చేకూరుస్తున్నాయి. ఇంకా చెప్పాలంటే, నెక్సాన్ ఈవీ రెడ్ డార్క్ ఎడిషన్ కారు స్టాండర్డ్ ఫీచర్లతో పాటుగా పనోరమిక్ సన్ రూఫ్ మరియు ఫ్రంక్ ని కూడా పొందింది.
నెక్సాన్ ఈవీ రెడ్ డార్క్ ఎడిషన్ కారు 45kWh యూనిట్ బ్యాటరీ ప్యాక్ పొందగా, ఈ బ్యాటరీ ప్యాక్ ని ఒక్కసారి ఫుల్ చార్జ్ చేస్తే సుమారు 489 కిలోమీటర్ల డ్రైవింగ్ రేంజ్ ని అందిస్తున్నట్లు టాటా కంపెనీ పేర్కొంది. ఈ ఎలక్ట్రిక్ కారు ఈ కండీషన్లో 143bhp పవర్ మరియు 215Nm గరిష్ట టార్కును ఉత్పత్తి చేస్తుంది.
అనువాదించిన వారు: సంజయ్ కుమార్
