- టాప్-స్పెక్ ఎంపవర్డ్+ 45 వేరియంట్ కంటే ధర రూ. 20,000 ఎక్కువ కలిగి ఉన్న మోడల్
- మహీంద్రా XUV400 మరియు హ్యుందాయ్ కోనా ఎలక్ట్రిక్ కు పోటీగా వచ్చిన కారు
టాటా దాని కాంపాక్ట్ ఎస్‌యూవీలో రెడ్ డార్క్ ఎడిషన్‌ను చేర్చడం ద్వారా అప్‌డేట్ నెక్సాన్ ఈవీ అయిన దాని స్పెషల్ ఎడిషన్ ను ఇండియన్ మార్కెట్లో లాంచ్ చేసింది. ఈ స్పెషల్ ఎడిషన్ సఫారి/హారియర్ రెడ్ డార్క్ ఇంటీరియర్ మరియు ఎక్స్‌టీరియర్ లలో అదే ఫార్ములాను పొందింది. ఇది కొత్త టాప్-స్పెక్ ఎంపవర్డ్ 45+ వేరియంట్‌పై ఆధారగా ఉంటుంది. అలాగే, కొత్త టాప్-స్పెక్ వేరియంట్ కంటే దీని ధర రూ. 20,000 వరకు ఎక్కువగా ఉంది.
ఇంటీరియర్ పూర్తి రెడ్ కలర్ తో ఉండగా, ఎక్స్‌టీరియర్ విషయానికొస్తే, ముందు మరియు వెనుక భాగంలో కొంచెం రెడ్ కలర్ ఇన్సర్ట్‌లతో పూర్తిగా బ్లాక్ కలర్ ను పొందుతుంది. అలాగే, ఫ్రంట్ ఫెండర్‌లపై రెడ్ డార్క్ బ్యాడ్జింగ్ ను కలిగి ఉంటుంది. అయితే లోపలహెడ్‌రెస్ట్‌లలో #డార్క్ అని రాసి ఉండే రెడ్ అప్హోల్స్టరీతో బ్లాక్ డాష్‌బోర్డ్‌ను కలిగి ఉంటాయి. క్యాబిన్‌తో పాటు టాటా ఇప్పటికే ఒక ఒప్పందంలో భాగంగా వాయిస్ కంట్రోల్‌తో కూడిన పనోరమిక్ సన్‌రూఫ్ మరియు ఫ్రంక్‌ను జోడించింది. డ్యూయల్ డిజిటల్ స్క్రీన్‌లు, 360-డిగ్రీ కెమెరా, కనెక్ట్ చేయబడిన కార్ టెక్నాలజీ, రియర్ ఏసీ వెంట్‌లతో కూడిన క్లైమేట్ కంట్రోల్ మరియు పూర్తి ఎల్ ఈడీ లైట్ ప్యాకేజీ వంటి ఇతర ప్రధాన ముఖ్యాంశాలు ఇందులో ఉన్నాయి.
ఇది 350 నుండి 379 కిలోమీటర్ల క్లెయిమ్ రేంజ్ తో 45+ బ్యాటరీ ప్యాక్‌తో మాత్రమే అందుబాటులో ఉంటుంది. అయితే 489 కిలోమీటర్ల వరకు వెళ్లగలదని, ఇది 60kWh ఛార్జర్‌ ప్లగ్ ను కలిగి ఉంది, దీని ద్వారా కేవలం 40 నిమిషాల్లో 10-80 శాతం నుండి ఛార్జ్ చేయవచ్చు అని, అదే 15 నిమిషాల్లో 130 కిలోమీటర్ల రేంజ్ ని అందిస్తుందని టాటా పేర్కొంది.
మరో వార్తలో చూస్తే, ఈ కాంపాక్ట్ ఎస్యూవీ సరికొత్త అప్‌డేట్ లను పొందింది. అలాగే, ఈ పండుగ సీజన్ ప్రారంభ కార్యక్రమాలలో భాగంగా ఇండియన్ ఆటోమేకర్ నెక్సాన్ సిఎన్‌జిని కూడా ఇండియన్ మార్కెట్లో లాంచ్ చేసింది.అలాగే, టాటా నెక్సాన్ ఈవీ కొత్త ఎడిషన్ ఇప్పటి నుండే, మహీంద్రా XUV400 మరియు హ్యుందాయ్ కోనా ఎలక్ట్రిక్ వంటి మిగిలిన ఎలక్ట్రిక్ ఎస్‌యూవీలతో కూడా పోటీగా ఉండేందుకు సిద్ధంగా ఉంది.
అనువాదించిన వారు: రాజపుష్ప
