కర్వ్ లో హైపీరియన్ అనే కొత్త టిజిడిఐ ఇంజిన్ ని తీసుకువచ్చిన టాటా, మరో వారంలో లాంచ్ !

• ఆటో ఎక్స్ పో 2023లో ఈ ఇంజిన్ ని ప్రదర్శించిన టాటా
• 6-స్పీడ్ మాన్యువల్ మరియు 7-స్పీడ్ డిసిటి గేర్ బాక్సుతో జతచేయబడి వస్తున్న టిజిడిఐ ఇంజిన్

ఇండియన్ మార్కెట్లో అప్ కమింగ్ కర్వ్ కూపే ఎస్‍యూవీ ద్వారా టాటా మోటార్స్ కొత్త 1.2-లీటర్ టిజిడిఐ ఇంజిన్ ని తీసుకువస్తుంది. 1.2-లీటర్ పెట్రోల్ మోటారును ఆటో ఎక్స్ పో-2023లో ప్రదర్శించగా, ఇప్పుడు దానికి టాటా కంపెనీ పేరు కూడా పెట్టింది. హైపీరియన్ అని పిలువబడుతున్న ఈ కొత్త టర్బో-పెట్రోల్ ఇంజిన్ బ్రాండ్ రెవొట్రాన్ ఇంజిన్ తో కలిసి బ్రాండ్ నుంచి వచ్చే ఇంజిన్లలో భాగం కానుంది. 

1.2-లీటర్ టిజిడిఐ హైపీరియన్ ఇంజిన్ త్రీ-సిలిండర్ యూనిట్ కాగా, బిఎస్6 ఫేజ్ 2– మరియు E20 ఫ్యూయల్ ఆధారంగా వచ్చింది. హైపీరియన్ అనే ఈ డైరెక్ట్ ఇంజెక్షన్ ఇంజిన్ 5,000rpm వద్ద 123bhp మరియు 1,700rpm మరియు 3,500rpm వద్ద 225Nm టార్కును ఉత్పత్తి చేస్తుంది. తక్కువ బరువు ఉండేలా ఈ ఇంజిన్ డెవలప్ మెంట్ జరగగా, మరింత ధృడంగా ఉండేందుకు అల్యూమినియం ఉపయోగించబడింది. ఇంకా చెప్పాలంటే, ఈ కొత్త ఇంజిన్ పవర్, రీఫైన్ మెంట్, మరియు ఎఫిషియన్సీని పర్ఫెక్టుగా బ్యాలన్స్ చేస్తుంది. ముఖ్యమైన విషయం ఏంటి అంటే, ఈ మోటార్ 6-స్పీడ్ మాన్యువల్ మరియు 7-స్పీడ్ డిసిటి గేర్ బాక్సుతో జతచేయబడి వస్తుంది. 

మరోవైపు, కర్వ్ మోడల్ 1.2-లీటర్ టర్బో-పెట్రోల్ మరియు 1.5-లీటర్ డీజిల్ ఇంజిన్ అనే మరో రెండు ఇంజిన్ ఆప్షన్లతో కూడా అందించబడుతుంది. ఈ రెండు పవర్ ట్రెయిన్లు ఇదివరకే నెక్సాన్ ఎస్‍యూవీలో అందించబడ్డాయి. పెట్రోల్, డీజిల్ మరియు ఎలక్ట్రిక్ వెర్షన్లలో అందించబడుతున్న కర్వ్ మోడల్ లాంచ్ అయిన తర్వాత, హ్యుందాయ్ క్రెటా, మారుతి గ్రాండ్ విటారా, కియా సెల్టోస్, ఎంజి ఆస్టర్ మరియు హోండా ఎలివేట్ వంటి కార్లతో పోటీపడుతుంది. అదే విధంగా, టాటా కర్వ్ ఎలక్ట్రిక్ కారు ఈవీ సెగ్మెంట్లో మహీంద్రా XUV400, బివైడి అట్టో 3, ఎంజి ZS ఈవీ, మరియు అప్ కమింగ్ క్రెటా ఈవీ వంటి కార్లతో పోటీపడుతుంది. 

అనువాదించిన వారు: సంజయ్ కుమార్