ఇటీవల ఇండియన్ మార్కెట్లో ఎలక్ట్రిక్ కార్లకు విపరీతమైన డిమాండ్ ఏర్పడింది. ఈ మధ్య కాలంలో లాంచ్ అయిన టాటా కర్వ్ ఈవీ మరియు ఎంజి ZS ఈవీ ఎలక్ట్రిక్ కార్లలో ఏది కొనుగోలు చేయడానికి సరిపోయేంత విలువైన కారు అనే విషయాన్నిఈ మోడల్స్ లో అందుబాటులో ఉన్న వేరియంట్స్, స్పెసిఫికేషన్స్ మరియు బ్యాటరీ ప్యాక్ ఆప్షన్స్ ఆధారంగా మీరు ఏ కారు సెలెక్ట్ చేసుకోవచ్చో మీకు ఒక అవగాహన వస్తుంది. మేము అప్‌డేట్ చేసిన ఈ రెండు కార్లలో పోలికలను తక్షణం చదివి తెలుసుకోండి.
టాటా మోటార్స్ కర్వ్ ఎలక్ట్రిక్ కారును ఇండియన్ మార్కెట్ ఆగస్టు 7వ తేదీన లాంచ్ చేసింది. ఈ కారును రూ.17.49 లక్షల ఎక్స్-షోరూం ధరతో పొందవచ్చు.అలాగే, కొత్త టాటా కర్వ్ ఈవీ ఫ్లేమ్ రెడ్, ఎంపవర్డ్ ఆక్సైడ్, ప్రిస్టీన్ వైట్, ప్యూర్ గ్రే మరియు వర్చువల్ సన్‌రైజ్ అనే 5 కలర్లలో అందుబాటులో కి వచ్చింది. కస్టమర్లు క్రియేటివ్, అకాంప్లిష్డ్, అకాంప్లిష్డ్+ఎస్ , ఎంపవర్డ్+ మరియు ఎంపవర్డ్+ ఎ అనే 5 వేరియంట్‌ల నుండి కర్వ్ ఈవీని ఎంచుకోవచ్చు.
ఇంకా ZS ఈవీ గురించి చెప్పాలంటే, ఎంజి మోటార్ ఇండియా ZS ఈవీని రూ. 18.98 లక్షలు (ఎక్స్-షోరూమ్) ప్రారంభ ధరతో ఇండియాలో లాంచ్ చేసింది. 2024 ఎంజి ZS ఈవీ గ్లేజ్ రెడ్, అరోరా సిల్వర్, స్టారీ బ్లాక్, మరియు క్యాండీ వైట్ అనే 4 కలర్లలో అందుబాటులోకి వచ్చింది. ఈ ఎలక్ట్రిక్ ఎస్‍యూవీని ఎగ్జిక్యూటివ్, ఎక్సైట్ ప్రో, ఎక్స్‌క్లూజివ్‌ ప్లస్ మరియు ఎస్సెన్స్ అనే వేరియంట్లలో పొందవచ్చు.కర్వ్ ఎలక్ట్రిక్ కారు ధరతో పోలిస్తే దీని ధర కొంచెం ఎక్కువే!
టాటా కర్వ్ ఈవీ వర్సెస్ ఎంజి ZS ఈవీ ఫీచర్స్
కర్వ్ ఈవీ లోపలి భాగంలో, పనోరమిక్ సన్‌రూఫ్, ఫోర్-స్పోక్ స్టీరింగ్ వీల్, లెవెల్-2 ఏడీఏఎస్(ఎడాస్) సూట్, వెంటిలేటెడ్ ఫ్రంట్ సీట్స్, ఆటోమేటిక్ క్లైమేట్ కంట్రోల్, రియర్ ఏసీ వెంట్స్, ఏసీ వెంట్స్ కోసం టచ్ కంట్రోల్స్, డ్రైవ్ మోడ్స్ మరియు ఫుల్లీ డిజిటల్ ఇన్‌స్ట్రుమెంట్ కన్సోల్, కొత్త 12.3-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్ వంటి ఫీచర్లు అందించబడ్డాయి.
మరోవైపు, కొత్త ఎంజి ZS ఈవీ లోపలి భాగంలో, ఆపిల్ కార్‌ప్లే మరియు ఆండ్రాయిడ్ ఆటోతో కూడిన 10.1-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, పనోరమిక్ సన్‌రూఫ్, ఫుల్లీ డిజిటల్ ఇన్‌స్ట్రుమెంట్ క్లస్టర్, 360-డిగ్రీ కెమెరా, క్రూయిజ్ కంట్రోల్, డ్రైవ్ మోడ్స్, ఎలక్ట్రిక్ పార్కింగ్ బ్రేక్‌, ఎయిర్ ప్యూరిఫైయర్, రియర్ ఏసీ వెంట్స్,6-వే పవర్డ్ డ్రైవర్ సీట్ మరియు వైర్‌లెస్ ఛార్జింగ్, 75 కనెక్ట్ చేయబడిన మరిన్ని ఫీచర్లు ఉన్నాయి.
టాటా కర్వ్ ఈవీ వర్సెస్ ఎంజి ZS ఈవీ బ్యాటరీ ప్యాక్
కర్వ్ ఈవీ రెండు బ్యాటరీ ప్యాక్ ఆప్షన్స్ తో అందించబడింది. అందులో45kWh యూనిట్ మరియు 55kWh యూనిట్ బ్యాటరీ ప్యాక్స్ ఉన్నాయి, ఈ రెండూ ఒకే ఎలక్ట్రిక్ మోటార్‌తో జత చేయబడ్డాయి. ఈ రేంజ్ లో ఉన్న మొదటి 45kWh యూనిట్ బ్యాటరీ ప్యాక్ 502 కిలోమీటర్లు డ్రైవింగ్ రేంజ్ ని మరియు 55kWh యూనిట్ బ్యాటరీ ప్యాక్ 585 కిలోమీటర్ల క్లెయిమ్ చేయబడిన డ్రైవింగ్ రేంజ్ ని అందిస్తాయి.
బ్యాటరీ పరంగా, ఎంజి మోటార్స్ ZS ఈవీ ఒకే ఒక్క బ్యాటరీ ప్యాక్ తో అందుబాటులో ఉంది. 50.3kWh బ్యాటరీ ప్యాక్ సహాయంతో 173bhp పవర్ మరియు 280Nm టార్కును ఉత్పత్తి చేసే మోటారును పొందింది. దీని బ్యాటరీ ప్యాక్ ని 50kW డిసి ఫాస్ట్ ఛార్జర్ సహయంతో కేవలం 60 నిమిషాల్లోనే 0-80 శాతం వరకు ఛార్జ్ చేయవచ్చు. అదే విధంగా, దీని బ్యాటరీని ఒక్కసారి పూర్తిగా ఛార్జ్ చేస్తే 461 కిలోమీటర్ల ఏఆర్ఏఐ-సర్టిఫైడ్ రేంజ్ మైలేజీని అందిస్తుంది.
ప్రతి ఆరు నెలలకు ఒకసారి ఒక సరికొత్త ప్రోడక్ట్ ని ఇండియన్ మార్కెట్‌లోకి తీసుకురావడం అనేది ఎంజి ప్రారంభాన్ని సూచిస్తుంది. ఓ రకంగా ఇది ఎంజి మోటార్ మోడల్స్ ని ఇష్టపడే కస్టమర్లకు గుడ్ న్యూస్ అని చెప్పవచ్చు. ఎందుకంటే కస్టమర్లు ఎక్కువ కాలం వేచి ఉండాల్సిన అవసరం లేదు.
