టాటా నుంచి కొత్త కర్వ్ ఎలక్ట్రిక్ కారు వచ్చేసింది; నేడే ఇండియాలో లాంచ్ అయిన కర్వ్ ఈవీ మోడల్

• రెండు బ్యాటరీ ప్యాక్ ఆప్షన్లతో అందించబడిన కర్వ్ ఎలక్ట్రిక్ కారు
• కర్వ్ ఐసీఈ వెర్షన్ తో పాటుగా లాంచ్ అయిన కర్వ్ ఎలక్ట్రిక్ వెర్షన్

టాటా మోటార్స్ దాని ఎలక్ట్రిక్ కార్ల సంఖ్యను పెంచుతూనే ఉంది. అలాగే మార్కెట్లో టాటా నుంచి వచ్చిన ఎలక్ట్రిక్ కార్లకు విపరీతమైన డిమాండ్ ఉంది. అందులో ప్రస్తుతం పంచ్ ఈవీ, నెక్సాన్ ఈవీ, టియాగో ఈవీ మరియు టిగోర్ ఈవీ వంటి కార్లు ఇండియాలో విక్రయించబడుతున్నాయి. అయితే, నేడు టాటా కంపెనీ మరో కొత్త కారును తీసుకువస్తూ కర్వ్ ఎలక్ట్రిక్ కారును ఇండియన్ మార్కెట్ కి పరిచయం చేసింది. ఈ ఎలక్ట్రిక్ కారును రూ.17.49 లక్షల ఎక్స్-షోరూం ధరతో లాంచ్ చేసింది. ఇందులో 55kWh యూనిట్ అనే లాంగ్ రేంజ్ మరియు 45kWhయూనిట్ అనే మిడ్ రేంజ్ బ్యాటరీ ప్యాక్ ఆప్షన్లను టాటా అందించింది. కర్వ్ ఎలక్ట్రిక్ కారు బుకింగ్స్ ని ఆగస్టు 12వ తేదీన ప్రారంభిస్తున్న్నట్లు టాటా బ్రాండ్ పేర్కొంది. ఈ కారును ఐదు వేరియంట్లలో మరియు ఐదు కలర్లలో కస్టమర్లు పొందవచ్చు. 

కర్వ్ ఎలక్ట్రిక్ కారు ఎక్స్‌టీరియర్ డిజైన్ 

మిడ్-సైజ్ ఎస్‍యూవీ కర్వ్ ఎలక్ట్రిక్ కారు ఎక్స్‌టీరియర్ డిజైన్ గురించి చెప్పాలంటే, ఎక్స్‌టీరియర్ హైలైట్లలో ఫ్లష్-ఫిట్టింగ్ డోర్ హ్యండిల్స్, గ్లోసీ బ్లాక్ క్లాడింగ్, స్ప్లిట్ హెడ్ ల్యాంప్స్, కారు ముందు మరియు వెనుక భాగాలలో ఎల్ఈడీ లైట్ బార్స్, కారు ఫేసియా ముందు భాగంలో ఛార్జింగ్ పోర్ట్, డ్యూయల్-టోన్ వీల్స్, స్లోపింగ్ రూఫ్ లైన్ మరియు ఎల్ఈడీ టెయిల్ లైట్స్ వంటి ఫీచర్లు ఉన్నాయి. ఇంకా ఈ కారు డైమెన్షన్స్ విషయానికి వస్తే, అలాగే ఈ కారు R18 అల్లాయ్ వీల్స్ తో రాగా, దీని గ్రౌండ్ క్లియరెన్స్ 190ఎంఎం ఉంది. 

కర్వ్ ఎలక్ట్రిక్ కారు ఇంటీరియర్ డిజైన్ 

2024 కర్వ్ ఈవీ ఇంటీరియర్ లుక్ చాలా అద్బుతంగా ఉంది. ఇందులో అందించబడిన ప్రధాన ఫీచర్ల గురించి చెప్పాలంటే, డ్యాష్ బోర్డుపై ఫాక్స్ కార్బన్-ఫైబర్ ఫినిషింగ్, ఇల్యూమినేటెడ్ టాటా లోగోతో ఫోర్-స్పోక్ మల్టీఫంక్షన్ స్టీరింగ్ వీల్, 12.3-ఇంచ్ టచ్ స్క్రీన్ యూనిట్, ఏసీ బటన్లను ఆపరేట్ చేయడానికి టచ్ కంట్రోల్స్, మరియు పనోరమిక్ సన్ రూఫ్ వంటివి ఉన్నాయి. ఇంకా చెప్పాలంటే, ఇందులో నెక్సాన్ కారులో చూసిన సెంటర్ కన్సోల్ కూడా ఉంది. అలాగే, ఇందులో డ్రైవ్ మోడ్ సెలెక్టర్ మరియు మోడ్స్, పార్సిల్ ట్రే, డ్యూయల్-టోన్ థీమ్, కొత్త తాళాలు, పవర్డ్ టెయిల్ గేట్, ఎలక్ట్రికల్లీ అడ్జస్టబుల్ డ్రైవర్ సీట్, ఎలక్ట్రిక్ పార్కింగ్ బ్రేక్, వైర్ లెస్ ఛార్జర్, మరియు ఇంజిన్ స్టార్ట్-స్టాప్ బటన్ వంటి ఫీచర్లు ఉన్నాయి. 

కర్వ్ ఎలక్ట్రిక్ కారు స్పెసిఫికేషన్లు

టాటా కర్వ్ ఈవీ రెండు బ్యాటరీ ప్యాక్ ఆప్షన్లతో రాగా, అందులో 55kWh యూనిట్ బ్యాటరీ ప్యాక్ సింగిల్ మోటార్ తో జతచేయబడి ఉండనుంది. అలాగే, డిసి ఫాస్ట్ ఛార్జర్ సహాయంతో కేవలం 10 నిమిషాల్లో 100 కిలోమీటర్ల డ్రైవింగ్ రేంజ్ అందించే బ్యాటరీతో కర్వ్ ఈవీ వచ్చింది. ఇంకా, ఈ కారులోని 55kWh యూనిట్ బ్యాటరీ ప్యాక్ యూనిట్ ని ఒక్కసారి ఫుల్ ఛార్జ్ చేస్తే 585 కిలోమీటర్ల డ్రైవింగ్ రేంజ్ ని, 45kWh యూనిట్ బ్యాటరీ ప్యాక్ 502 కిలోమీటర్ల డ్రైవింగ్ రేంజ్ ని అందిస్తుందని టాటా మోటార్స్ పేర్కొంది. కర్వ్ ఎలక్ట్రిక్ కారు టాప్ స్పీడ్ 160 కిలోమీటర్లు ఉంది. దీని గ్రౌండ్ క్లియరెన్స్ 190ఎంఎం ఉంది. ఇంకా, కర్వ్ కారులో 500 లీటర్లు బూట్ స్పేస్ లభిస్తుండగా, కారు ముందు భాగంలో అందించబడిన ఫ్రంక్ స్పేస్ 11.6 లీటర్లు ఉంది. 

కర్వ్ ఎలక్ట్రిక్ కారు సేఫ్టీ ఫీచర్లు 

ఇక కర్వ్ కారు సేఫ్టీ విషయానికి వస్తే, ఇందులో కొత్తగా అకౌస్టిక్ వెహికిల్ అలర్ట్ సిస్టంని (ఎవిఎఎస్) తీసుకురాగా, సెగ్మెంట్లో ఈ ఫీచర్ ని అందుకున్న మొదటి కారుగా టాటా కర్వ్ నిలిచింది. అలాగే ఈ కారు 20 సేఫ్టీ ఫీచర్లతో లెవల్-2 ఎడాస్ (ఏడీఏఎస్) సూట్ తో వచ్చింది. ముఖ్యమైన విషయం ఏంటి అంటే, టాటా కర్వ్ ఎలక్ట్రిక్ కారుకు భారత్ ఎన్ క్యాప్ టెస్టులో 5-స్టార్ రేటింగ్ లభించింది. ఇది కస్టమర్లకు చాలా ఊరటనిచ్చే అంశం అని చెప్పవచ్చు. అంటే, మీరు ఈ కారులో ప్రయణిస్తున్నపుడు చాలా సేఫ్ గా ప్రయాణం చేయవచ్చు. ఇతర టాటా ఎలక్ట్రిక్ కార్లతో కర్వ్ ఎలక్ట్రిక్ కారు అతిపెద్ద బ్యాటరీ ప్యాక్ తో వచ్చింది. అంటే, మీరు ఈ కారును ఒక్కసారి ఛార్జ్ చేస్తే హైదరాబాద్ నుంచి విజయవాడ, మరియు విజయవాడ నుంచి హైదరాబాద్ కి చాలా ఈజీగా ప్రయాణించవచ్చు. 

వేరియంట్-వారీగా కర్వ్ ఎలక్ట్రిక్ కారు ఎక్స్-షోరూం ధరలు కింది విధంగా ఉన్నాయి: