- 2025 ప్రారంభంలో ఇండియాలో లాంచ్
- కొత్త ఎస్‍యూవీ 1.0-లీటర్ టిఎస్ఐ పెట్రోల్ ఇంజిన్ తో వస్తుందని అంచనా
స్కోడా కంపెనీ దాని సబ్-ఫోర్ కాంపాక్ట్ ఎస్‍యూవీకి సంబంధించి రెండవ టీజర్ ఫోటోని అధికారికంగా వెల్లడించింది. అయితే, ఈ ఎస్‍యూవీ వచ్చే సంవత్సరం ప్రారంభంలో లాంచ్ కానుంది. ఇక్కడ కనిపిస్తున్న ఫోటోలో రెక్టాంగులర్ షేప్ టెయిల్ ల్యాంప్, భారీ రియర్ ప్రొఫైల్, మరియు స్లోపింగ్ గ్లాస్ హౌజ్ వంటివి మీరు చూడవచ్చు. అలాగే మీరు రూఫ్-రెయిల్స్ మరియు మిడిల్ లో బూట్ డోర్ పై స్కోడా లెటరింగ్ వంటి వాటిని కూడా మీరు చూడవచ్చు.
కాన్సెప్ట్ కారు టీజర్ ఫోటో ద్వారా మేము అంచనా వేసింది ఏంటి అంటే, ఈ ప్రొడక్షన్ రెడీ మోడల్ కుషాక్ ఎస్‍యూవీ చాలా వరకు దగ్గరగా అనిపిస్తుంది. చాలా వరకు స్పై ఫోటోల ద్వారా ఇదే విషయం వెల్లడైంది. నిజానికి, స్పై ఫోటోలలో చూసిన షేప్ ని బట్టి, ఈ మోడల్ సిల్హౌట్ నుంచి సి-పిల్లర్ వరకు కుషాక్ మోడల్ లాగా కనిపిస్తుంది, కానీ ఇక్కడ ఎస్‍యూవీ షార్ట్ లెంగ్త్ చాలా ప్రాముఖ్యమైనది.
స్కోడా కంపెనీ నుంచి దాని 2.0 ప్రోగ్రాం క్రింద మూడవ ప్రొడక్టుగా ఇది రానుంది. ఇది కంపెనీకి చాలా ముఖ్యమైన లాంచ్ కాగా, 2030 వరకు 5% మార్కెట్ షేర్ ని సాధించడానికి అధిక సంఖ్యలో వీటిని తీసుకువస్తుందని అంచనా వేస్తున్నాము. లాజికల్ గా, ఇది 1.0-లీటర్ టిఎస్ఐ పెట్రోల్ ఇంజిన్ తో వస్తుండగా, ఈ ఇంజిన్ 114bhp/178Nm టార్కును ఉత్పత్తి చేయడానికి 6-స్పీడ్ మాన్యువల్ ట్రాన్స్‌మిషన్ లేదా 6-స్పీడ్ ఆటోమేటిక్ ట్రాన్స్‌మిషన్ తో జత చేయబడి రానుంది.
లాంచ్ అయిన తర్వాత ఈ ఎస్‍యూవీ కారు, రెనాల్ట్ కైగర్, నిసాన్ మాగ్నైట్, మారుతి బ్రెజా, మారుతి ఫ్రాంక్స్, టయోటా అర్బన్ క్రూజర్ టైజర్, కియా సోనెట్, మరియు హ్యుందాయ్ వెన్యూ వంటి కార్లతో పోటీపడనుంది.
అనువాదించిన వారు: సంజయ్ కుమార్
