- ఆగస్టు 7న ధరల ప్రకటన
- త్వరలో ప్రొడక్షన్-రెడీ కర్వ్ ఈవీ ఇంటీరియర్ వివరాలను వెల్లడించనున్న టాటా
ఆగస్టు 7వ తేదీన టాటా కర్వ్ ఈవీ అధికారిక లాంచ్ మరియు ధరల ప్రకటన జరగనుండగా, దాని కంటే ముందుగా కర్వ్ ఈవీ ఎక్స్టీరియర్ డిజైన్ మరియు స్టైలింగ్ వివరాలను టాటా కంపెనీ వెల్లడించింది.
కర్వ్ ఈవీ బాడీ-కలర్డ్ క్లోజ్డ్-ఆఫ్ ఫ్రంట్ ఫాసియాతో కొత్త బ్లూ కలర్లో అదిరిపోయే లుక్ ని కలిగి ఉంది. ఇంకా చెప్పాలంటే, పంచ్ ఈవీ మాదిరిగా, ఈ కారులో చార్జింగ్ ఫ్లాప్ ముందు భాగంలో ఇవ్వబడింది. లోయర్ బంపర్ లోని సగ భాగం వర్టికల్ స్ట్రట్స్ ని కలిగి ఉండగా, ఇక్కడ కనెక్టెడ్ ఎల్ఈడీ డీఆర్ఎల్ నెక్సాన్ నుంచి తీసుకోబడ్డాయి. అలాగే ఇది రూఫ్, ఓఆర్విఎంస్, మరియు కారు సైడ్ భాగాలలో క్లాడింగ్ వంటి వాటిపై బ్లాక్డ్-అవుట్ ఎలిమెంట్స్ ని కలిగి ఉంది.
కర్వ్ ఈవీ ఇంటీరియర్ విషయానికి వస్తే, దీనిని టాటా కంపెనీ ఇంకా వెల్లడించలేదు. కానీ, ఈ ఎలక్ట్రిక్ ఎస్యూవీ పనోరమిక్ సన్రూఫ్, టూ-స్పోక్ స్టీరింగ్ వీల్, డిజిటల్ ఇన్స్ట్రుమెంట్ క్లస్టర్, టచ్ బేస్డ్ ఎయిర్కాన్ ప్యానెల్ మరియు 360-డిగ్రీ కెమెరా వంటి ఫీచర్లతో వస్తుందని టాటా కంపెనీ నిర్దారించింది. అదనంగా ఇది లెవెల్-2 ఎడాస్ (ఏడీఏఎస్) ఫీచర్లను కూడా పొందనుంది.
ప్రస్తుతానికి, కర్వ్ ఈవీలో అందించబడే బ్యాటరీ ప్యాక్ మరియు స్పెసిఫికేషన్స్ వివరాలను టాటా వెల్లడించలేదు. కానీ, ఇది సింగిల్ చార్జ్ పై 500 కిలోమీటర్ల డ్రైవింగ్ రేంజ్ అందించేలా రెండు బ్యాటరీ ప్యాక్ ఆప్షన్లతో అందించబడుతుందని భావిస్తున్నాం.
ఆగస్టు 7వ తేదీన లాంచ్ తర్వాత, కర్వ్ ఈవీ మోడల్ ఎంజి ZS ఈవీ మోడల్ తో పోటీపడనుంది.
అనువాదించిన వారు: సంజయ్ కుమార్