- ఇండియాలో నవంబర్-2022లో మొదటిసారిగా ప్రదర్శించబడిన కొత్త X-ట్రైల్
- టీజర్ ద్వారా వెల్లడైన కీలక డిజైన్ వివరాలు
కొత్త X-ట్రైల్ ని నవంబర్-2022లో మొదటిసారిగా ఆవిష్కరించిన తర్వాత, నిసాన్ ఇండియా అప్ డేటెడ్ ఎస్‍యూవీని ఇండియాకు పరిచయం చేయనున్నట్లు మొత్తానికి చిన్నపాటి క్లూని అందించింది. అది ఎలాగంటే, కార్ మేకర్ దీనికి సంబంధించి ఒక చిన్న టీజర్ వీడియోను రిలీజ్ చేసింది.
నిసాన్ X-ట్రైల్ మోడల్ ని ఇతర రెండు మోడల్స్ తో పాటుగా ప్రదర్శించింది. ప్రదర్శించిన ఇతర రెండు మోడల్స్ లో కాష్ కాయ్ మరియు జూక్ ఎస్‍యూవీలు ఉన్నాయి. టీజర్ ఫోటోలో అప్ కమింగ్ (రాబోయే) మూడు వరుసల ఎస్‍యూవీకి సంబంధించి కీలక సమాచారం వెల్లడైంది. అందులో ఇన్వర్టెడ్ ఎల్ఈడీ హెడ్ ల్యాంప్స్, స్ప్లిట్ హెడ్ ల్యాంప్స్, హారిజాంటల్ స్లాట్స్ తో కొత్త గ్రిల్ మరియు క్రోమ్ సరౌండ్, మరియు ఫ్రంట్ కెమెరా వంటి బెస్ట్ అంశాలు ఉన్నాయి.
అంతే కాకుండా, నిసాన్ X-ట్రైల్ కాంట్రాస్ట్-కలర్డ్ స్కిడ్ ప్లేట్స్, సర్క్యులర్ టూ-పీస్ టెయిల్ లైట్స్, డోర్ క్లాడింగ్, రియర్ వైపర్ మరియు వాషర్, హై మౌంటెడ్ స్టాప్ ల్యాంపుతో ఇంటిగ్రేటేడ్ స్పాయిలర్, సార్క్-ఫిన్ యాంటెన్నా, మరియు డ్యూయల్-టోన్ అల్లాయ్ వీల్స్ వంటివి ఫీచర్లను పొందనుంది.
ఇంకా, 2024 నిసాన్ X-ట్రైల్ ఇంటీరియర్ ఫీచర్స్ విషయానికి వస్తే, కారు లోపల త్రీ-స్పోక్ మల్టీఫంక్షన్ స్టీరింగ్ వీల్, డ్యూయల్-టోన్ అప్హోల్స్టరీ, భారీ ఫ్రీస్టాండింగ్ టచ్ స్క్రీన్ ఇన్ఫోటైన్మెంట్ సిస్టం, ఆటోమేటిక్ క్లైమేట్ కంట్రోల్, ఇంజిన్ స్టార్ట్-స్టాప్ బటన్, డిజిటల్ ఇంస్ట్రుమెంట్ కన్సోల్, ఎడాస్(ఏడీఏఎస్) సూట్, మరియు ఆటో-హోల్డ్ ఫంక్షన్ తో ఎలక్ట్రానిక్ పార్కింగ్ బ్రేకింగ్ వంటి ఉండనున్నాయి.
ఇంజిన్ మరియు స్పెసిఫికేషన్స్ విషయానికి వస్తే, నిసాన్ X-ట్రైల్ మోడల్ ఎలక్ట్రిక్ మోటారుతో జత చేయబడిన 1.5-లీటర్ టర్బో-పెట్రోల్ ఇంజిన్ తో వచ్చే అవకాశం ఉంది. ఇంకా ట్రాన్స్‌మిషన్ ఆప్షన్ల విషయానికి వస్తే, ఇది కేవలం సివిటి గేర్ బాక్సుకు మాత్రమే పరిమితం కావచ్చు. పోటీ విషయానికి వస్తే, లాంచ్ అయిన తర్వాత 2024 నిసాన్ X-ట్రైల్ బివైడి అట్టో 3, ఎంజి క్లౌడ్ ఈవీ, జీప్ కంపాస్, మరియు ఫోక్స్ వ్యాగన్ టిగువాన్ వంటి కార్లతో పోటీపడనుంది.
అనువాదించిన వారు: సంజయ్ కుమార్
