- కేవలం ఒకే ఒక్క సింగిల్ టాప్-స్పెక్ వెర్షన్లో అందించబడిన కొత్త ఎస్‍యూవీ
- వివిధ బ్యాచ్ ల ద్వారా కంప్లీట్ బిల్ట్ యూనిట్ గా ఇండియాకు దిగుమతి
గత నెల రోజుల నుంచి ఎక్కడ చూసినా ఇండియా అంతటా ఈ కారు గురించే చర్చిస్తూ ఉన్నారు. ఎందుకంటే, ఇందులో అందించబడిన ఫీచర్లు, డిజైన్, లుక్స్ అలాంటివి మరి. ఆ కారు మరేదో కాదు నిసాన్ X-ట్రైల్. ఎట్టకేలకు ఇప్పుడు, నిసాన్ ఇండియా కొత్త ఫ్లాగ్ షిప్ ఎస్‍యూవీ X-ట్రైల్ ధరలను వెల్లడించింది. ఈ మూడు-వరుసల ఎస్‍యూవీని సింగిల్ వేరియంట్లో పెర్ల్ వైట్, షాంపేన్ సిల్వర్, మరియు డైమండ్ బ్లాక్ అనే మూడు కలర్లలో రూ.49.92 లక్షల ఎక్స్-షోరూం ధరతో పొందవచ్చు. మీరు ఎంచుకున్న కలర్ ని బట్టి ధరలు వేరువేరుగా ఉండే అవకాశం ఉంది. ఒకవేళ మీరు ఈ కారును బుక్ చేసుకోవాలనుకుంటే ఒక లక్ష రూపాయలు చెల్లించి బుక్ చేసుకోవచ్చు.
నిసాన్ X-ట్రైల్ ఫీచర్లు
పైన పేర్కొన్న ధరతో, X-ట్రైల్ మోడల్ ఎనిమిది ఇంచుల ఇన్ఫోటైన్‌మెంట్ స్క్రీన్, వైర్డు ఆండ్రాయిడ్ ఆటో మరియు ఆపిల్ కార్‌ప్లే, డ్యూయల్-జోన్ క్లైమేట్ కంట్రోల్, 12-ఇంచ్ డిజిటల్ ఇన్‌స్ట్రుమెంట్ క్లస్టర్, 360-డిగ్రీ సరౌండ్ కెమెరా, వైర్‌లెస్ ఛార్జర్ మరియు పనోరమిక్ సన్‌రూఫ్ వంటి ఫీచర్లు ఉన్నాయి. ఎన్నో ప్రాముఖ్యమైన ఫీచర్లతో X-ట్రైల్ కారు అందించబడింది. కానీ, ఇందులో లెదర్ సీట్ అప్హోల్స్టరీ, పవర్డ్ మరియు వెంటిలేషన్ సీట్స్, మరియు ఎడాస్(ఏడీఏఎస్) సూట్ వంటి ఫీచర్లను మిస్ అయ్యింది. లాంచ్ ధరను బట్టి చూస్తే, ఈ ఫీచర్లను కూడా ఈ కారులో మనం ఆశించవచ్చు.
ఇంజిన్ & స్పెసిఫికేషన్స్
మెకానికల్ గా, నిసాన్ X-ట్రైల్ లో 1.5-లీటర్ త్రీ-సిలిండర్ టర్బో పెట్రోల్ ఇంజిన్ అందించబడగా, ఈ ఇంజిన్ సివిటి గేర్ బాక్స్ మరియు ప్యాడిల్ షిఫ్టర్లతో జతచేయబడింది. X-ట్రైల్ మోడల్ లో వరల్డ్ ఫస్ట్ ప్రొడక్షన్ అయిన వేరియబుల్ కంప్రెషన్ ఇంజిన్ ని నిసాన్ కంపెనీ తీసుకువచ్చింది. ఇందులోని టర్బో పెట్రోల్ ఇంజిన్ మైల్డ్-హైబ్రిడ్ టెక్ సహాయంతో మరింత బెటర్ పెర్ఫార్మెన్స్ మరియు ఎకానమీని అందిస్తూ 161bhp మరియు 300Nm మాక్సిమం టార్కును ఉత్పత్తి చేస్తుంది.
X-ట్రైల్ కార్లు అన్నీ పూర్తిగా విదేశాల్లో తయారుచేయబడి కంప్లీట్ బిల్ట్ యూనిట్ (సిబియు)గా ఇండియాకు వస్తాయి. కాబట్టి, వీటి ధర కొంచెం అధికంగా ఉంది. అయినప్పటికీ, ధరను బట్టి చూస్తే, ఈ జపనీస్ ఎస్‍యూవీ మిడ్-సైజ్ ఎస్‍యూవీ సెగ్మెంట్లో టయోటా ఫార్చునర్, ఎంజి గ్లోస్టర్, స్కోడా కొడియాక్, హ్యుందాయ్ టక్సన్, మరియు జీప్ మెరిడియన్ వంటి కార్లతో పోటీపడుతుంది.
