- 6 వేరియంట్స్ మరియు రెండు పవర్‌ట్రెయిన్ ఆప్షన్స్ తో లభ్యం
- మిడ్-లైఫ్ అప్‌డేట్ ను పొందిన మాగ్నైట్
నిస్సాన్ కంపెనీ ఎట్టకేలకు ఇండియాలో 2024 నిస్సాన్ మాగ్నైట్ ఫేస్‌లిఫ్ట్ ను ఇండియన్ మార్కెట్లో లాంచ్ చేసింది. దీని ధరలు రూ. 5.99 లక్షల నుండి ప్రారంభం కాగా, ఇది 6 వేరియంట్లలో అందుబాటులో ఉంది. అలాగే, దీనిని రెండు ఇంజిన్ ఆప్షన్స్ తో టూ-పెడల్ మరియు త్రీ-పెడల్ ట్రాన్స్‌మిషన్ ఆప్షన్స్ ను పొందవచ్చు.
బయటి వైపు, 2024 అప్‌డేటెడ్ మాగ్నైట్ అప్‌గ్రేడ్‌లలో భాగంగా, ముందు భాగంలో కొత్త లుక్ కోసం క్రోమ్ ఇన్‌సర్ట్స్ ను పొందింది. ఫేస్‌లిఫ్ట్ లో భాగంగా సరికొత్త అల్లాయ్ వీల్స్ డిజైన్ కూడా పొందింది. అయితే, వెనుక భాగంలో ఉన్న టెయిల్ ల్యాంప్స్ ఆకారంలో ఎటువంటి మార్పులు లేవు. కానీ ఈ కారుకు సరికొత్త రూపాన్ని అందించడానికి దీని ఇండివిజువల్ డిజైన్ (ఎలిమెంట్స్‌)అంశాలను మార్చడం జరిగింది.
లోపల భాగంలో, కారులోని క్యాబిన్ మరియు లేఅవుట్ పరంగా నిస్సాన్ ఎటువంటి మార్పులు చేయలేదు. కానీ నిస్సాన్ కొత్త స్టీరింగ్ వీల్ మరియు టచ్ సర్ఫాన్స్ మరియు అప్హోల్స్టరీ కోసం కొత్త కలర్ స్కీమ్‌లను పొందింది. అలాగే, ఫీచర్ల విషయానికొస్తే, మాగ్నైట్ 360-డిగ్రీ కెమెరా, వైర్‌లెస్ ఫోన్ మిర్రరింగ్, డ్రైవర్ సీట్ కోసం ఎత్తు సర్దుబాటు, పవర్డ్ మిర్రర్స్, హెచ్ఈపీఏ ఎయిర్ ఫిల్టర్, ఎల్ఈడీ హెడ్ ల్యాంప్స్ మరియుఎల్ఈడీ డిఆర్ఎల్స్ వంటి ఫీచర్లను పొందింది.
స్పెసిఫికేషన్స్ విషయానికొస్తే, మాగ్నైట్ 1.0-లీటర్ నేచురల్లీ ఆస్పిరేటెడ్ పెట్రోల్ లేదా 1.0-లీటర్ టర్బో పెట్రోల్ ఇంజిన్ అనే రెండు ఇంజిన్లను పొందింది. మొదటిది 71bhp మరియు 96Nm టార్క్‌ను ఉత్పత్తి చేస్తుంది. ఇది 5-స్పీడ్ మాన్యువల్ ట్రాన్స్‌మిషన్ యూనిట్లతో లేదా 5-స్పీడ్ ఆటోమేటెడ్ మాన్యువల్ ట్రాన్స్‌మిషన్ యూనిట్లతో పొందవచ్చు. రెండోది 99bhp/160Nm ఉత్పత్తి చేస్తుంది. ఇది 6-స్పీడ్ మాన్యువల్ ట్రాన్స్‌మిషన్ యూనిట్లతో లేదా సివిటి గేర్‌బాక్స్‌తోజత చేయబడి ఉంది.
నిస్సాన్ మాగ్నైట్ ఫేస్‌లిఫ్ట్, మారుతి బ్రెజా, టయోటా టైసర్, హ్యుందాయ్ వెన్యూ, కియా సోనెట్, మారుతి ఫ్రాంక్స్ మరియు మహీంద్రా XUV3XO వంటి కార్లకు పోటీగా ఉండనుంది. 2024 అప్‌డేటెడ్ మాగ్నైట్ ఇండియాలో నిస్సాన్ 4 ఉత్పత్తుల వ్యూహాలలో మొదటిది. దాని తర్వాత రెండు వరుసల సి-ఎస్‌యువి, మూడు వరుసల సి-ఎస్‌యువి మరియు తరువాత ఒక ఎలక్ట్రిక్ వెహికల్ . మునుపటిది లేటెస్ట్-జనరేషనల్ రెనాల్ట్ డస్టర్ మరియు అప్ కమింగ్ (రాబోయే) డాసియా బిగ్‌స్టర్ ఉత్పన్నాలు అయితే రెండోది మాగ్నైట్ ఎలక్ట్రిక్ వెర్షన్‌గా భావిస్తున్నారు.
నిస్సాన్ మాగ్నైట్ ఫేస్‌లిఫ్ట్ 2024 ధరలు
| 1.0 నేచురల్లీ ఆస్పిరేటెడ్ పెట్రోల్ | ||
| విసియా ఎంటి - రూ. 5.99 లక్షలు | ||
| విసియా ఏఎంటీ- రూ. 6.59 లక్షలు | ||
| అసెంటా ఎంటి- రూ. 7.14 లక్షలు | ||
| అసెంటా ఏఎంటీ- రూ. 7.64 లక్షలు | ||
| N-కనెక్టా ఎంటి- రూ. 7.86 లక్షలు | ||
| N-కనెక్టా ఏఎంటీ- రూ. 8.36 లక్షలు | ||
| టెక్నా ఎంటి- రూ. 8.75 లక్షలు | ||
| టెక్నా ఏఎంటీ- రూ. 9.25 లక్షలు | ||
| 1.0 టర్బో పెట్రోల్ | ||
| N-కనెక్టా ఎంటి- రూ. 9.19 లక్షలు | ||
| అసెంటా సివిటి- రూ. 9.79 లక్షలు | ||
| టెక్నా ఎంటి- రూ. 9.99 లక్షలు | ||
| టెక్నా+ ఎంటి- రూ. 10.35 లక్షలు | ||
| N-కనెక్టా సివిటి- రూ. 10.34 లక్షలు | ||
| టెక్నా సివిటి- రూ. 11.14 లక్షలు | ||
| టెక్నా సివిటి+- రూ. 11.50 లక్షలు | ||
అనువాదించిన వారు: రాజపుష్ప
