- రూ.9.99 లక్షలతో ధరలు ప్రారంభం
- మూడు వేరియంట్లలో అందించబడిన విండ్‍సర్ ఈవీ
జెఎస్ డబ్ల్యూ ఎంజిమోటార్ ఇండియా తాజాగా ఇండియన్ మార్కెట్లో కొత్త విండ్‍సర్ ఈవీనిరూ. 9.99 లక్షల (ఎక్స్-షోరూమ్)ప్రారంభ ధరతో లాంచ్ చేసిన సంగతి మీ అందరికీ తెలిసిందే. ఇప్పుడు చూస్తే, ఈ ఆల్-ఎలక్ట్రిక్ సీయూవీకి సంబంధించిన ఆర్డర్లను స్వీకరించడం కూడా కంపెనీ ప్రారంభించింది. ఈ కొత్త ఎలక్ట్రిక్ మోడల్ రూ.9.99 లక్షల ఎక్స్-షోరూం ధరతో కిలోమీటరుకు రూ.3.5 బ్యాటరీ రెంటల్ సర్వీసుతో ప్రారంభం కాగా, మొత్తంగా ఇది మూడు వేరియంట్లలో అందుబాటులో ఉంది. ఒకవేళ మీరు బ్యాటరీ రెంటల్ సర్వీసు అక్కర లేకుండా పూర్తి ధరతో కొనుగోలు చేయాలంటే, ఈ కారును మీరు రూ.13.5 లక్షల ఎక్స్-షోరూం ప్రారంభ ధరను చెల్లించి మీ సొంతం చేసుకోవచ్చు.
మీకో విషయం తెలుసా ! దేశవ్యాప్తంగా ఉన్న బ్రాండ్ డీలర్ షిప్స్ వద్దకు ఎంజి విండ్‍సర్ ఈవీ కార్లు చేరుకోవడం కూడా ప్రారంభమైంది. ఇప్పుడు మీరు ఈ కారును ఎక్సైట్, ఎక్స్‌క్లూజివ్‌, మరియు ఎసెన్స్ అనే మూడు వేరియంట్లలో నాలుగు ఎక్స్‌టీరియర్ కలర్ ఆప్షన్లతో పొందవచ్చు. కలర్ ఆప్షన్లలో క్లే బీజ్, పెర్ల్ వైట్, స్టార్ బర్స్ట్ బ్లాక్, మరియు టార్కాయిస్ గ్రీన్ వంటి కలర్లు ఉన్నాయి.
ఫీచర్ల విషయానికి వస్తే, విండ్‍సర్ ఈవీ కారు వివిధ రకాల కొత్త టెక్నాలజీ ఫీచర్లను పొందింది. అందులో భారీ 15.6-ఇంచ్ ఇన్ఫోటైన్‌మెంట్ స్క్రీన్, వైర్‌లెస్ ఆండ్రాయిడ్ ఆటో మరియు ఆపిల్ కార్‌ప్లే, వైర్‌లెస్ ఛార్జర్, 8.8-ఇంచ్ డిజిటల్ ఇన్‌స్ట్రుమెంట్ ప్యానెల్, వెంటిలేటెడ్ ఫ్రంట్ సీట్స్, పవర్డ్ డ్రైవర్ సీటు, 360-డిగ్రీ కెమెరా, పనోరమిక్ ఫిక్స్‌డ్ గ్లాస్ రూఫ్ మరియు 135-డిగ్రీ రిక్లైన్ ఫంక్షన్‌తో 60:40 స్ప్లిట్ రియర్ సీట్ వంటి ఫీచర్లు ఉన్నాయి.
కొత్త విండ్‍సర్ ఎలక్ట్రిక్ కారులోని అన్ని లైనప్ లలో 38kWh బ్యాటరీ ప్యాక్ స్టాండర్డ్ గా అందించబడింది. ఈ బ్యాటరీ ప్యాక్ ని ఒక్కసారి ఫుల్ చార్జ్ చేస్తే సుమారు 331 కిలోమీటర్ల డ్రైవింగ్ రేంజ్ అందిస్తున్నట్లు కంపెనీ పేర్కొంది. విండ్‍సర్ ఈవీ పవర్ అవుట్‌పుట్ విషయానికి వస్తే, ఈ కారు నాలుగు డ్రైవ్ మోడ్స్ మరియు మూడు రీజెన్ లెవెల్స్ తో 134bhp మరియు 200Nm టార్క్‌ను ఉత్పత్తి చేస్తుంది.
అనువాదించిన వారు: సంజయ్ కుమార్
