- షార్ప్ ప్రో వేరియంట్ ఆధారంగా వచ్చిన మోడల్
- రెండింట్లో అందుబాటులో ఉన్న పెట్రోలు మరియు డీజిల్ పవర్‌ట్రెయిన్ ఆప్షన్స్
ఇండియాలో ఎంజి హెక్టర్ స్నోస్టార్మ్ ను రూ. 21.53 లక్షలు (ఎక్స్-షోరూమ్) ప్రారంభ ధరతో నేడే ఇండియాలో లాంచ్ చేసింది. ఈ కొత్త స్పెషల్ ఎడిషన్ టాప్-స్పెక్ షార్ప్ ప్రో వేరియంట్‌పై ఆధారపడి ఉంటుంది. అలాగే,దీనిని పెట్రోల్ మరియు డీజిల్ పవర్ రెండింట్లోను పొందవచ్చు. ఇప్పుడు హెక్టర్ మరియు హెక్టర్ ప్లస్ లలో కూడా రెండూ స్నోస్టార్మ్ ఎడిషన్‌ను పొందుతాయి.
గ్లోస్టర్ స్నోస్టార్మ్ మాదిరిగానే, హెక్టర్ ఈ కొత్త వెర్షన్ బంపర్స్ మరియు రెడ్ బ్రేక్ కాలిపర్‌లపై రెడ్ కలర్ తో కూడిన ఆల్-వైట్ ఎక్స్‌టీరియర్ పెయింట్ స్కీమ్‌ను పొందుతుంది. డార్క్ క్రోమ్ గ్రిల్, బ్లాక్ అల్లాయ్ వీల్స్, ఫ్రంట్ ఫెండర్‌పై స్నోస్టార్మ్ ఎంబ్లమ్ మరియు స్మోక్డ్ టెయిల్‌లైట్స్ మరిన్నిమార్పులను పొందింది. లోపలి ఫీచర్లలో 14-ఇంచ్ పోర్ట్రెయిట్-స్టైల్ టచ్‌స్క్రీన్ సిస్టమ్, వెనుక ఏసీ వెంట్‌లతో కూడిన క్లైమేట్ కంట్రోల్, పవర్ డ్రైవర్ సీట్, లెవల్ 2 ఏడీఏఎస్ (ఎడాస్), డిజిటల్ ఇన్‌స్ట్రుమెంట్ క్లస్టర్ మరియు పూర్తి ఎల్ఈడీ లైట్ వంటివి ఉన్నాయి.
హెక్టర్ మరియు హెక్టర్ ప్లస్ స్నో స్టార్మ్ ఎడిషన్‌లను 1.5-లీటర్ పెట్రోల్ ఇంజిన్ లేదా 2.0-లీటర్ డీజిల్‌తో పొందవచ్చు. ఇందులో పెట్రోల్ మోటార్ 141bhp/250Nm ఉత్పత్తి చేస్తుంది మరియు 6-స్పీడ్ మాన్యువల్ లేదా సీవీటీతో కలిగి ఉంటుంది. అయితే ఇది డీజిల్ 168bhp/350Nmని ఉత్పత్తి చేస్తూ 6 -స్పీడ్ మాన్యువల్ ట్రాన్స్‌మిషన్ తో మాత్రమే అందుబాటులో ఉంది.
ఎంజి హెక్టర్ స్నోస్టార్మ్ ధరలు
- ఎంజి హెక్టర్ స్నోస్టార్మ్ పెట్రోల్ సీవీటీ- రూ. 21.52 లక్షలు
- ఎంజి హెక్టర్ స్నోస్టార్మ్ డీజిల్ ఎంటి- రూ. 22.23 లక్షలు
- ఎంజి హెక్టర్ ప్లస్ స్నోస్టార్మ్ పెట్రోల్ సీవీటీ 7-సీటర్- రూ. 22.28 లక్షలు
- ఎంజి హెక్టర్ ప్లస్ స్నోస్టార్మ్ డీజిల్ ఎంటి 7-సీటర్- రూ. 22.81 లక్షలు
- ఎంజి హెక్టర్ ప్లస్ స్నోస్టార్మ్ డీజిల్ ఎంటి 6-సీటర్- రూ. 22.99 లక్షలు
