భారీగా తగ్గిన ఎంజి హెక్టర్ బేస్ వేరియంట్ ధర, ఎంతో తెలిస్తే షాక్ అవుతారు!

• హెక్టర్ రేంజ్ లో మరో రెండు కొత్త వేరియంట్లను పరిచయం చేసిన ఎంజి
• రెండు కొత్త వేరియంట్లతో లాంచ్ అయిన ZS ఈవీ మరియు కామెట్ ఈవీ

తాజాగా హెక్టర్ ఎస్‍యూవీ లైనప్ లో ఎంజి మోటార్ ఇండియా రెండు కొత్త వేరియంట్లను లాంచ్ చేసింది. అవి ఏవి అంటే, షైన్ ప్రో మరియు సెలెక్ట్ ప్రో. ఈ రెండు వేరియంట్లు వరుసగా రూ.16 లక్షలు (ఎక్స్-షోరూం) మరియు రూ. 17.30 లక్షలు (ఎక్స్-షోరూం) ధరతో అందుబాటులో ఉన్నాయి.

అదే విధంగా, ఎంజి కంపెనీ హెక్టర్ ఎంట్రీ-లెవెల్ లో అందించబడుతున్న వాటి ధరలలో మార్పులు చేసింది, ఫలితంగా ఇప్పుడు హెక్టర్ రేంజ్ ధర రూ.13.99 లక్షలతో ప్రారంభమైంది. ఇంతకు ముందు ఈ వేరియంట్ ధర రూ.14.95లక్షలుగా ఉండగా, ఇప్పుడు స్టైల్ 1.5 పెట్రోల్ ఎంటి వేరియంట్ ధర అమాంతం రూ.96,000 తగ్గించబడడంతో, మరింత చవకగా లభిస్తుంది. 

మరో కొత్త విషయం ఏంటి అంటే, ఎంజి కంపెనీ కామెట్ ఈవీలో ఫాస్ట్ ఛార్జర్ ఆప్షన్ తో పాటుగా మరో రెండు కొత్త వేరియంట్లను ZS ఈవీ లైనప్ కి పరిచయం చేసింది. ఈ రెండింటికి సంబంధించిన అప్ డేట్స్ కూడిన పూర్తి వివరాలను మా వెబ్ సైట్ ని సందర్శించి చదువగలరు.

అనువాదించిన వారు: సంజయ్ కుమార్