- ఒకేసారి పూర్తిగా కొనుగోలు మరియు BaaS (బ్యాటరీ ఒక సర్వీసు) ఆప్షన్స్ తో అందుబాటులో ఉన్న మోడల్
- 3 వేరియంట్లు మరియు 4 కలర్లలో అందించబడుతున్న విండ్సర్ ఈవీ
విండ్సర్ ఈవీ రాకతో ఇండియన్ మార్కెట్లో ఎంజి చాల అటెన్షన్ ను అందుకుంది. ఎందుకంటే ఈ కారు ధర మరియు సీయూవీగా ఈ కారును పరిచయం చేయడంతో పాటుగా కొత్తగా రూపొందించిన బ్యాటరీ యాజ్ ఏ సర్వీస్ (BaaS) ప్రోగ్రామ్తో చాలా మంది కస్టమర్లను ఆకర్షించింది. అలాగే, విండ్సర్ ఈవీ కారు ZS ఈవీ మరియు కామెట్ ఈవీతో చేరడంతో ఎంజి మొత్తం ప్రొడక్షన్ పోర్ట్ఫోలియో మరింత విస్తరించబడింది.
ఎంజి ఇప్పుడు విండ్సర్ ఈవీని దేశవ్యాప్తంగా ఉన్న కస్టమర్లకు డెలివరీ చేయడం ప్రారంభించింది. ఈ మోడల్ రూ. 9.99 లక్షల ప్రారంభ (ఎక్స్-షోరూమ్) ధరతో, అలాగే, ఎక్సైట్, ఎక్స్క్లూజివ్ మరియు ఎసెన్స్ అనే మూడు వేరియంట్లలో అందుబాటులో ఉంది.ఈ మోడల్లోని కలర్ ఆప్షన్స్ విషయానికి వస్తే, ఇందులో టార్కాయిస్ గ్రీన్, క్లే బీజ్, పెర్ల్ వైట్ మరియు స్టార్బర్స్ట్ బ్లాక్ వంటివి ఉన్నాయి.
విండ్సర్ ఈవీలోని 38kWh యూనిట్ బ్యాటరీ ప్యాక్ సింగిల్ ఎలక్ట్రిక్ మోటారుతో జత చేయబడింది. ఇది సింగిల్ ఛార్జ్ పై క్లెయిమ్ చేయబడిన 332కిలోమీటర్ల రేంజ్ ని అందిస్తుంది. పవర్ అవుట్పుట్ విషయానికి వస్తే, ఇది 134bhp మరియు 200Nm టార్క్ను ఉత్పత్తి చేస్తుంది. దీనిని కస్టమర్లు ఎకో, ఎకో+, నార్మల్ మరియు స్పోర్ట్ అనే నాలుగు డ్రైవ్ మోడ్ల నుండి ఎంచుకోవచ్చు. అదే విధంగా, మేము విండ్సర్కారును డ్రైవ్ చేశాము, దీనికి సంబంధించిన రివ్యూ కూడా కార్ వాలే వెబ్ సైటులో మరియు యుట్యూబ్ ఛానెల్లో కూడా అందుబాటులో ఉంది.
అనువాదించిన వారు: రాజపుష్ప