- సరికొత్త ఇంటీరియర్ డిజైన్‌తో అందించబడిన మోడల్
- 1.5-లీటర్ పెట్రోల్ ఇంజన్‌తో మాత్రమే లభ్యం
ఎంజి ఇండియాలో దాని అప్‌డేట్ చేయబడిన ఆస్టర్ బ్లాక్‌స్టార్మ్‌ను లాంచ్ చేసింది, దీని ధర చూస్తే, మాన్యువల్ ట్రాన్స్‌మిషన్ (ఎంటి) వేరియంట్ రూ. 13.44 లక్షల ఎక్స్-షోరూమ్ ధరతో మరియు ఆటోమేటిక్ ట్రాన్స్‌మిషన్ (ఏటీ) వేరియంట్ రూ. 14.45 లక్షల ఎక్స్-షోరూమ్ ధరతో అందుబాటులో ఉంది. ఇది 1.5-లీటర్ పెట్రోల్ ఇంజిన్‌తో మాత్రమే అందుబాటులోకి వచ్చింది. అలాగే, ఈ కారు సరికొత్త డిజైన్ మరియు ఫీచర్ అప్‌డేట్‌లను పొందుతుంది.
కారు ముందు భాగంలో, ఆల్-బ్లాక్ హనీకోంబ్ ప్యాటర్న్ గ్రిల్, బ్లాక్ ఫినిష్డ్ హెడ్‌ల్యాంప్స్, రెడ్ ఫ్రంట్ బ్రేక్ కాలిపర్‌లతో బ్లాక్ అల్లాయ్ వీల్స్ మరియు గ్లోసీ బ్లాక్ డోర్ గార్నిష్‌ని పొందుతుంది. అదనంగా, 'బ్లాక్‌స్టార్మ్' బ్యాడ్జ్ దాని ఫ్రంట్ ఫెండర్‌లపై కూడా కలిగి ఉంది. ఈ మోడల్ ఇంటీరియర్ విషయానికొస్తే, రెడ్ స్టిచింగ్‌తో బ్లాక్ అప్హోల్స్టరీ మరియు ఫ్రంట్ సీట్ హెడ్‌రెస్ట్‌లో 'బ్లాక్‌స్టార్మ్' రెడ్ ఎంబ్రాయిడరీ డిజైన్ తో ప్రత్యేకంగా ఉంటుంది.
ఆస్టర్ బ్లాక్‌స్టార్మ్ 1.5-లీటర్ ఇంజిన్‌తో మాత్రమే అందుబాటులో ఉంది. ఇది మాన్యువల్ ట్రాన్స్‌మిషన్ 5-స్పీడ్ యూనిట్ తో మరియు ఆటోమేటిక్ ట్రాన్స్‌మిషన్ సీవీటీ ఆప్షన్స్ ను పొందింది. ఈ కొత్త బ్లాక్‌స్టార్మ్ ఎడిషన్ ఎంజి స్పెషల్ ఎడిషన్ సిరీస్‌లో చేరింది. ఎంజి గతంలో హెక్టర్ కోసం స్నోస్టార్మ్ వేరియంట్ ను లాంచ్ చేసింది. అయితే టాటా నెక్సాన్ ఈవీ రెడ్ డార్క్ ఎడిషన్‌ను ప్రవేశపెట్టింది. త్వరలో ఐస్ వెర్షన్ కూడా వచ్చే అవకాశం ఉంది.
అనువాదించిన వారు: రాజపుష్ప
