- ఇండియాలో సక్సెస్ ఫుల్ గా విక్రయించబడుతున్న మేబాక్ మోడల్స్
- త్వరలో ఢిల్లీ, గుర్గావ్, మరియు ముంబైలలో మేబాక్ ఫెసిలిటీ సెంటర్ల ఏర్పాటు
సెప్టెంబర్ నెలలో ఇండియాలోనే మొట్ట మొదటి మేబాక్ ఫెసిలిటీ సెంటరును లగ్జరీ కార్ల తయారీ కంపెనీ మెర్సిడెస్ హైదరాబాదులో ప్రారంభించనుంది. ఇంతకు ముందు ఉన్న మెర్సిడెస్ షోరూంల వలె వాటిని తలపించేలా మేబాక్ లాంజ్ కనిపించనుంది. ప్రస్తుతం ఇండియాలో విక్రయించబడుతున్న మేబాక్ రేంజ్ లోని మూడు మోడల్స్ ని మెర్సిడెస్ కొత్త మేబాక్ ఫెసిలిటీ సెంటర్లో ప్రదర్శించనుంది. 2024లో లాంచ్ అయిన టాప్- ఎండ్ మోడల్స్ ద్వారా మెర్సిడెస్ సేల్స్ లో సత్తాను చాటుతూ విజయాలతో దూసుకెళ్తుంది. ఇందులో ముఖ్యంగా మేబాక్ రేంజ్ మోడల్స్ కీలకపాత్రను పోషించాయి. దీని కారణంగానే మెర్సిడెస్ మేబాక్ ఫెసిలిటీ సెంటరును ప్రారంభించనుంది అని మనం భావించవచ్చు.
హైదరాబాద్ లో ప్రారంభిస్తున్న మేబాక్ ఫెసిలిటీ సెంటర్ ఇండియాలోనే మొట్టమొదటిది కానుంది. కేవలం ఇది మాత్రమే కాకుండా భవిష్యత్తులో ఢిల్లీ, గుర్గావ్, మరియు ముంబై వంటి ప్రాంతాలలో కూడా మేబాక్ ఫెసిలిటీ సెంటర్లను నెలకొల్పి వీటినిమెర్సిడెస్ మరింతగా విస్తరించనుంది. ఇంకా చెప్పాలంటే, ప్రపంచవ్యాప్తంగా మేబాక్ మోడల్స్ కి విపరీతమైన డిమాండ్ ఉండగా, అందులోని టాప్ -10 లిస్టులో మన ఇండియా కూడా ఉంది. జర్మనీ మరియు కొన్ని ప్రాంతాలలో మాత్రమే మేబాక్ మోడల్ లోకల్ గా అసెంబుల్ చేయబడుతుండగా, అందులో ఒకటి మన హైదరాబాద్ లో రాబోతుండడం మనకు గర్వకారణం అని చెప్పవచ్చు. ఓ రకంగా, అది S 580 మేబాక్ అయినా కావచ్చు మరియు కొంతవరకు లోకల్ గా ఆసెంబుల్ చేసే మోడల్స్ కావచ్చు.
మేబాక్ EQS 680 అనే ఎలక్ట్రిక్ ఎస్యూవీ లాంచ్ ఈవెంట్ సమయంలో ఇండియాలో మొట్టమొదటి మేబాక్ లాంజ్ ని తీసుకువస్తున్నట్లు మెర్సిడెస్ ప్రకటించింది. ఈ లాంచ్ ద్వారా అందుబాటులోకి వచ్చిన మొదటి ఎలక్ట్రిక్ మేబాక్ EQS 680 కేవలం ఇండియాకి మాత్రమే కాకుండా గ్లోబల్ గా ఉన్న మెర్సిడెస్ ఫ్యామిలీకి అందుబాటులోకి వచ్చింది. 5.1 మీటర్ల వెడల్పు ఉన్న మేబాక్ ఎలక్ట్రిక్ కారు 3.2 మీటర్ల వీల్ బేస్ ని కలిగి ఉంది. ఇంకా ఫీచర్లు, స్పేస్, మరియు పవర్ ఫుల్ డ్రైవ్ ట్రెయిన్ విషయానికి వస్తే, ఐసీఈ వెర్షన్లో వచ్చిన లగ్జరీ కార్ల ఫీచర్లు ఇందులో మనం చూడవచ్చు. ఒక్కసారి బ్యాటరీ ప్యాక్ ని ఫుల్ ఛార్జ్ చేస్తే ఈ సూపర్ ఫాస్ట్ లగ్జరీ కారు 611 కిలోమీటర్ల క్లెయిమ్డ్ డ్రైవింగ్ రేంజ్ ను అందిస్తుంది. మరీ ముఖ్యంగా, ఇంకో విషయం ఏంటి అంటే, ఈ కారు కేవలం 4.4 సెకన్లలోనే 0-100 కెఎంపిహెచ్ వేగాన్ని చాలా ఈజీగా అందుకుంటుంది.