- ఇది వరకే బుక్ చేసుకున్న వారికే లభించనున్న 120 పైగా యూనిట్లు
- 2025 తృతీయార్థం కోసం ప్రారంభమైన బుకింగ్స్
మెర్సిడెస్-బెంజ్ ఇండియా ఆల్-న్యూ ఎఎంజి G 63 ఎస్యూవీని లాంచ్ చేయడంతో పాటుగా వీటి ధరలను కూడా వెల్లడించింది. ప్రస్తుతం ఈ ఐకానిక్ మోడల్ రూ.3.60 కోట్ల ఎక్స్-షోరూం ప్రారంభ ధరతో అందుబాటులో ఉంది. ముఖ్యమైన విషయం ఏంటి అంటే, కొత్త ఎఎంజి G 63 లగ్జరీ కారుకు సంబంధించి మొదటి బ్యాచ్ లో 120 యూనిట్లకు పైగా లభిస్తుండగా, ఇవి ఇది వరకే బుక్ చేసుకున్న వారికి మాత్రమే లభిస్తాయి.
మెకానికల్ గా, కొత్త G 63 లగ్జరీ మోడల్ లోని బై-టర్బో 4.0-లీటర్ V8 ఇంజిన్ 48V మైల్డ్ హైబ్రిడ్ సిస్టం సహాయంతో అందుబాటులోకి వచ్చింది. ఈ కండీషన్లో, ఎస్యూవీ 577bhp మరియు 850Nm మాక్సిమం టార్కును ఉత్పత్తి చేస్తుంది. ఇంకా, ఎఎంజి పెర్ఫార్మెన్స్ 4మాటిక్ స్టాండర్డ్ గా 9-స్పీడ్ టార్క్ కన్వర్టర్ గేర్ బాక్సును కలిగి ఉంది. ఇంకా చెప్పాలంటే, ఎఎంజి పెర్ఫార్మెన్స్ ప్యాకేజీలో భాగంగా, రేస్ స్టార్ట్ తో వచ్చింది. ఇది, కారు 240కెఎంపిహెచ్ వేగాన్ని అందుకునేందుకు సహాయపడుతుంది. ఈ పెర్ఫార్మెన్స్ ద్వారా, ఎఎంజి G 63 లగ్జరీ మోడల్ కేవలం 4.3 సెకన్లలో 0 నుంచి 100కెఎంపిహెచ్ వేగాన్ని అందుకుంటుంది. అలాగే, మొదటిసారిగా ఈ ఎస్యూవీతో లాంచ్ కంట్రోల్ అందించబడింది.
కొత్త ఎఎంజి G 63 కారును 31 అప్హోల్స్టరీ ఆప్షన్లకు పైగా 29 ఎక్స్టీరియర్ కలర్ ఆప్షన్లతో పొందవచ్చు. ఫీచర్ల పరంగా, ఈ ఎస్యూవీ భారీ 12.3-ఇంచ్ డ్రైవర్ డిస్ప్లే, సరికొత్త ఎంబియుఎక్స్ NTG7 సాఫ్ట్వేర్తో పనిచేసే ఇన్ఫోటైన్మెంట్ సిస్టమ్, వైర్లెస్ ఆండ్రాయిడ్ ఆటో మరియు యాపిల్ కార్ ప్లే కనెక్టివిటీ, యూఎస్బీ టైప్-సి ఛార్జింగ్ పోర్ట్స్, త్రీడీ సరౌండ్ సిస్టమ్తో బర్మెస్టర్-సోర్స్డ్ 18 స్పీకర్స్, ఎడాస్ (ఏడీఏఎస్), 360-డిగ్రీ కెమెరా, మరియు ఆగ్యుమెంట్ రియాలిటీ బేస్డ్ నావిగేషన్ సిస్టమ్ వంటి వివిధ అడ్వాన్స్డ్ ఫీచర్లతో వచ్చింది.
అనువాదించిన వారు: సంజయ్ కుమార్