మారుతి సుజుకి ఇటీవలే దాని పాపులర్ హ్యాచ్బ్యాక్ వ్యాగన్R వాల్జ్ ఎడిషన్ను ఇండియాలో లాంచ్ చేసింది. ఈ లిమిటెడ్ ఎడిషన్ ను రూ. 5,64,671 (ఎక్స్-షోరూమ్)ధరతో పొందవచ్చు. ఇందులో రూ. 65,654 ధరతో విలువైన యాక్సెసరీలు కూడా ఉన్నాయి. అలాగే, 2024లో అత్యధికంగా అమ్ముడవుతున్న మారుతి కారు ఈ లిమిటెడ్ ఎడిషన్లోని కాస్మెటిక్ అప్డేట్లు మరియు అదనపు ఫీచర్లకు కూడా పొందింది. ఈ స్పెషల్ ఎడిషన్ గురించి మీరు తెలుసుకోవలసిన విషయాలు ఇక్కడ ఉన్నాయి.
అందుబాటులో ఉన్న వేరియంట్స్
మారుతి సుజుకి వ్యాగన్ R వాల్జ్ లిమిటెడ్ ఎడిషన్ LXi, VXi, మరియు ZXi అనే మూడు వేరియంట్లలో అందుబాటులో ఉంది.
ఎక్స్టీరియర్ యాక్సెసరీస్
వ్యాగన్ R వాల్జ్ ఎడిషన్లో క్రోమ్ గ్రిల్, కొత్త ఫాగ్ ల్యాంప్స్, బంపర్ ప్రొటెక్టర్స్, వీల్ ఆర్చ్ క్లాడింగ్, సైడ్ స్కర్ట్స్ మరియు బాడీ సైడ్ మౌల్డింగ్ వంటివి ఉన్నాయి.
ఇంటీరియర్ యాక్సెసరీస్
క్యాబిన్ లోపలి భాగంలో, కార్మేకర్ డిజైనర్ ఫ్లోర్ మ్యాట్స్ మరియు సీట్ కవర్లను కలిగి ఉన్న ఇంటీరియర్ స్టైలింగ్ కిట్ను అందిస్తోంది. అంతేకాకుండా, రివర్స్ పార్కింగ్ కెమెరా, స్పీకర్స్ మరియు సెక్యూరిటీ సిస్టంతో కూడిన 6.2-ఇంచ్ టచ్స్క్రీన్ ఇన్ఫోటైన్మెంట్ సిస్టమ్ వంటి ఇతర ఫీచర్లను కూడా అందుబాటులో ఉన్నాయి.
పవర్ట్రెయిన్
మారుతి వ్యాగన్ R వాల్జ్ ఎడిషన్ రెండు కె-సిరీస్ ఇంజిన్ ఆప్షన్లతో అందుబాటులో ఉంది. 65.7bhp మరియు 89Nm టార్క్ను ఉత్పత్తి చేసే 1.0-లీటర్ పెట్రోల్ ఇంజిన్ ను పొందుతుంది. మరొకటి 1.2-లీటర్ పెట్రోల్ ఇంజిన్ 88.5bhp మరియు 113Nm టార్క్ను ఉత్పత్తి చేస్తుంది. ఈ రెండు ఇంజన్లు మాన్యువల్ మరియు ఆటోమేటెడ్ మాన్యువల్ ట్రాన్స్మిషన్స్ తో అందుబాటులో ఉన్నాయి.
అనువాదించిన వారు: రాజపుష్ప