- రెండు వేరియంట్లలో అందించబడుతున్న అర్బానో ఎడిషన్
- ప్రధానంగా స్టాండర్డ్ బ్రెజా యాక్సెసరైజ్డ్ వెర్షన్ గా వచ్చిన కొత్త ఎడిషన్
మారుతి సుజుకి యాక్సెసరైజ్డ్ వెర్షన్లను పరిచయం చేస్తూ దాని లైనప్ సేల్స్ ని ప్రమోట్ చేయడం ప్రారంభించింది. లేటెస్టుగా, ఆటోమేకర్ దాని ఎంట్రీ లెవెల్ హ్యచ్ బ్యాక్స్ లోడ్రీమ్ సిరీస్ ఎడిషన్ ని లాంచ్ చేసింది. అదే క్రమంలో ఫ్రాంక్స్ లో వెలాసిటీ ఎడిషన్ ని తీసుకువచ్చింది. ఇప్పుడు, ఈ లిస్టులోకి బ్రెజా మోడల్ కూడా చేరిపోయి రూ. 8.49 లక్షలు (ఎక్స్-షోరూం) ప్రారంభ ధరతో అర్బానో ఎడిషన్ ని తీసుకువచ్చింది.
ఇప్పుడు ఈ మారుతి సుజుకి బ్రెజా అర్బానో ఎడిషన్ ని ఆటోమేటిక్ మరియు మాన్యువల్ వెర్షన్లలో LXi మరియు VXi అనే రెండు వేరియంట్లలో పొందవచ్చు. బ్రెజా అర్బానో ఎడిషన్ లోని LXi వేరియంట్ రివర్స్ కెమెరా, స్పీకర్‌లతో కూడిన టచ్‌స్క్రీన్ ఇన్ఫోటైన్‌మెంట్ సిస్టమ్, గార్నిష్‌తో ఫాగ్ ల్యాంప్స్, ఫ్రంట్ మరియు రియర్ స్కిడ్ ప్లేట్లు, ఫ్రంట్ గ్రిల్ క్రోమ్ గార్నిష్, సైడ్ మౌల్డింగ్ మరియు వీల్ ఆర్చ్ కిట్ వంటి అప్ గ్రేడ్లను పొందింది.
అదే విధంగా, బ్రెజా అర్బానో ఎడిషన్ లోని VXi వేరియంట్ రివర్స్ పార్కింగ్ కెమెరా, ఫాగ్ ల్యాంప్, డ్యాష్‌బోర్డ్ గార్నిష్, సైడ్ మౌల్డింగ్, వీల్ ఆర్చ్ కిట్, మెటల్ సిల్ గార్డ్, నంబర్ ప్లేట్ ఫ్రేమ్ మరియు 3D ఫ్లోర్ మ్యాట్ వంటి వాటితో వచ్చింది. ధర పరంగా, LXi మరియు VXiవేరియంట్లలో వరుసగా రూ. 42,000 మరియురూ. 18,500 ఖర్చుతో యాక్సెసరైజ్డ్ ప్యాక్ ని కూడా పొందవచ్చు.
మెకానికల్ గా, పవర్ ట్రెయిన్ ఆప్షన్లలో ఎలాంటి మార్పులు లేకుండా బ్రెజా అర్బానో ఎడిషన్ వచ్చింది. ఇప్పుడు ఈ కొత్త ఎడిషన్ స్టాండర్డ్ వేరియంట్లలో అదే ఇంజిన్ మరియు గేర్ బాక్స్ ఆప్షన్లతో కొనసాగుతుంది.
మారుతి సుజుకి బ్రెజా అర్బానో ఎడిషన్ వేరియంట్ వారీగా ఎక్స్-షోరూం ధరలు కింద టేబుల్ లో ఇవ్వబడ్డాయి:
| వేరియంట్లు | ఎక్స్-షోరూం ధరలు |
| LXi ఎంటి | రూ. 8.49 లక్షలు |
| LXi సిఎన్‍జి ఎంటి | రూ. 9.44 లక్షలు |
| VXi ఎంటి | రూ. 9.84 లక్షలు |
| VXi సిఎన్‍జి ఎంటి | రూ. 10.68 లక్షలు |
| VXi ఎటి | రూ. 11.13 లక్షలు |
అనువాదించిన వారు: సంజయ్ కుమార్
