బాలెనో రీగల్ ఎడిషన్ వెల్లడించిన మారుతి సుజుకి

• స్పెషల్ ఎడిషన్ ప్యాక్స్ మరిన్ని ఫీచర్స్
• అన్ని కొత్త కాంప్లిమెంటరీ యాక్సెసరీ కిట్‌లతో అందుబాటులో ఉన్న మోడల్

మారుతి సుజుకి ఇటీవలే ఈ పండుగ సీజన్‌లో రీగల్ ఎడిషన్ పేరుతో బాలెనో స్పెషల్ ఎడిషన్‌ను లాంచ్ చేసింది. ఇది ఆల్ఫా, జీటా, డెల్టా మరియు సిగ్మా అనే 4 వేరియంట్లలో అందుబాటులో ఉంది. ఆసక్తికరంగా చెప్పాలంటే, వేరియంట్ ఆధారంగా ఇది రూ.45,829 నుండి రూ. 60,199, వరకు విలువైన కాంప్లిమెంటరీ యాక్సెసరీ కిట్‌లతో అందుబాటులో ఉంది.  ఈ  స్పెషల్ ఎడిషన్ గురించి మీరు తెలుసుకోవలసిన విషయాలు ఈ ఆర్టికల్ లో ఉన్నాయి.

ఎక్స్‌టీరియర్

బయటి భాగంలో, లిమిటెడ్ ఎడిషన్ గ్రిల్ గార్నిష్, ఫాగ్ ల్యాంప్ గార్నిష్, ఫ్రంట్ అండర్ బాడీ స్పాయిలర్, బాడీ సైడ్ మౌల్డింగ్, డోర్ వైజర్స్, రియర్ అండర్ బాడీ స్పాయిలర్ మరియు బ్యాక్ డోర్ గార్నిష్ వంటి కాస్మెటిక్ యాడ్-ఆన్‌లను పొందుతుంది.

ఇంటీరియర్

లోపలి భాగంలో, రీగల్ ఎడిషన్ ఇంటీరియర్ స్టైలింగ్ కిట్, కొత్త సీట్ కవర్లు, విండో కర్టెన్లు మరియు ఆల్-వెదర్ మ్యాట్‌లను కలిగి ఉంది. లేకపోతే, ప్రీమియం హ్యాచ్‌బ్యాక్‌లో 360-డిగ్రీ కెమెరా, హెడ్-అప్ డిస్‌ప్లే, 9 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆటోమేటిక్ క్లైమేట్ కంట్రోల్ వంటి  మరియు మరిన్ని ఫీచర్లు ఉన్నాయి.

పవర్‌ట్రెయిన్

బాలెనో రీగల్ ఎడిషన్ 89bhp మరియు 113Nm టార్క్ ను  ఉత్పత్తి చేసే 1.2-లీటర్ పెట్రోల్ ఇంజన్‌తో వస్తుంది. ఇది 5-స్పీడ్ మాన్యువల్ గేర్‌బాక్స్ లేదా  5-స్పీడ్ఎఎంటితో అందించబడుతుంది. అంతేకాకుండా, రీగల్ ఎడిషన్ ఆటోమేటిక్ మరియుసిఎన్‌జివేరియంట్లలో కూడా అందుబాటులో ఉంది.

అనువాదించిన వారు: రాజపుష్ప