జిమ్నీ జీటా వర్సెస్ ఆల్ఫా వేరియంట్స్ పై భారీగా ధరల తగ్గింపును ప్రకటించిన మారుతి

• ఇటీవలే లాంచ్ అయిన థండర్ ఎడిషన్
• ఇండియాలో ప్రారంభ ధర రూ. 10.74 లక్షలు

మారుతి సుజుకి జిమ్నీ నుంచి ఇటీవల వచ్చిన 'థండర్' అనే కొత్త లిమిటెడ్ ఎడిషన్ ధర భారీ మొత్తంలో తగ్గించబడింది. దీనితో, మారుతి సుజుకి యొక్క ఇండియా మేడ్ లైఫ్‌స్టైల్ ఎస్‌యువిని రూ. 10.74 లక్షలు (ఎక్స్-షోరూమ్) ప్రారంభ ధరతో పొందవచ్చు.

థండర్ ఎడిషన్‌తో, మారుతి జిమ్నీ యొక్క జీటా మరియు ఆల్ఫా అనే రెండు వేరియంట్‌లు ఎక్స్‌టీరియర్ మరియు ఇంటీరియర్‌ పరంగా కాస్మెటిక్ అప్‌గ్రేడ్‌లను పొందాయి. అయితే, ఈ కథనంలో, మనం జీటా మరియు ఆల్ఫా వేరియంట్‌లలో ఏయే ఫీచర్లు అందుబాటులో ఉన్నాయో పోల్చి చూద్దాం.

మెకానికల్‍గా చూస్తే, 5- డోర్ సుజుకి జిమ్నీ 5-స్పీడ్ మాన్యువల్ మరియు 4-స్పీడ్ టార్క్ కన్వర్టర్ యూనిట్‌తో జతచేయబడి ఏకైక 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌తో వస్తుంది. దీని K15B ఇంజిన్ 103bhp మరియు 134Nm మాక్సిమం టార్క్ ను ఉత్పత్తి చేసేలా ట్యూన్ చేయబడింది. ఈబ్రాండ్ యొక్క ప్రొప్రైటరీ ఆల్ గ్రిప్ ప్రో 4x4 సిస్టమ్  రేంజ్   స్టాండర్డ్ గా రావడంతో , జిమ్నీ దేశంలోనే అత్యంత చవకగా అందుబాటు ధరలో ఉండే  4x4 ఆఫ్-రోడర్‌గా పేరుగాంచింది.

ఫ్యూయల్ ఎఫిషియన్సీ విషయానికొస్తే, ఈ బ్రాండ్ మాన్యువల్ గేర్‌బాక్స్ తో 16.94కెఎంపిఎల్  మైలేజీని ఇస్తుంది. అయినప్పటికీ, మేము చేసిన  టెస్టులలో, జిమ్నీ సిటీలో మరియు హైవే రోడ్లపై వరుసగా 13.21కెఎంపిఎల్ మరియు 15.29కెఎంపిఎల్ మైలేజ్ ని ఇచ్చింది.

అనువాదించిన వారు: రాజపుష్ప