డిస్కౌంట్ ఆఫర్స్: నవంబర్ నెలలో సెలెక్టెడ్ మోడల్స్ పై భారీ డిస్కౌంట్స్ అందిస్తున్న మారుతి

• ఆల్టో కె10, ఎస్-ప్రెస్సో, ఇగ్నిస్ మోడల్స్ పై అందుబాటులో ఉన్న డిస్కౌంట్స్
• ఈ మోడల్స్ పై రూ.49 వేల నుంచి రూ.75 వేల వరకు లభించనున్న డిస్కౌంట్స్

మారుతి సుజుకి నవంబర్-23లో కొన్ని మోడల్స్ పై భారీ డిస్కౌంట్స్ ని ప్రకటించింది. ఆల్టో కె10, ఎస్-ప్రెస్సో, ఇగ్నిస్, సెలెరియో మోడల్స్ పై డిస్కౌంట్స్ అందుబాటులో ఉన్నాయి. ఈ డిస్కౌంట్స్ కస్టమర్లకు క్యాష్ డిస్కౌంట్, ఎక్చేంజ్ బోనస్, కార్పోరేట్ బోనస్ రూపంలో అందుబాటులో ఉంటాయి. ఇప్పుడు మనం మోడల్స్ లో ఏ మోడల్ పై ఎంత డిస్కౌంట్ లభించనుందో ఒకసారి పరిశీలిద్దాం. 

మారుతి సుజుకి ఆల్టో కె10

ప్రస్తుతం నవంబర్ నెలలో ఇండియాలో విక్రయించబడుతున్న మారుతి సుజుకి ఆల్టో కె10పై సుమారుగా రూ.49,000 డిస్కౌంట్ లభించనుంది. ఇందులో పెట్రోల్ మరియు సిఎన్‍జి వేరియంట్స్ పై వరుసగా రూ.30,000 మరియు రూ.20,000 క్యాష్ డిస్కౌంట్ లభించనుంది. అదే విధంగా రూ.15,000 ఎక్చేంజ్ బోనస్ మరియు రూ.4,000 కార్పోరేట్ బెనిఫిట్స్ లభించనున్నాయి. ప్రస్తుతం ఈ మోడల్ Std, LXi, VXi, మరియు VXi ప్లస్ అనే 4 వేరియంట్స్ లో రూ.3.99 లక్షలు(ఎక్స్-షోరూం) ప్రారంభ ధరతో అందుబాటులో ఉంది. ఇంకెందుకు ఆలస్యం, మీకు లభిస్తున్న భారీ డిస్కౌంట్స్ తో వెంటనే ఈ కారును కొనుగోలు చేయండి. 

మారుతి ఎస్-ప్రెస్సో

ఈ వరుసలో చూస్తే, రెండోదిగా మారుతి సుజుకి ఎస్-ప్రెస్సో ఉంది. గత రెండు నెలలుగా ఎస్-ప్రెస్సోపై మారుతి డిస్కౌంట్స్ ప్రకటిస్తూనే ఉంది. తాజాగా నవంబర్ నెలలో ఎస్-ప్రెస్సోపై రూ.54,000 డిస్కౌంట్ ను అందిస్తుంది. అందులో రూ.30,000 క్యాష్ డిస్కౌంట్, రూ.20,000 ఎక్చేంజ్ బోనస్ మరియు రూ.4,000 కార్పోరేట్ బెనిఫిట్స్ ఉన్నాయి. ప్రస్తుతం మారుతి ఎస్-ప్రెస్సో LXi, VXi, ZXi, మరియు ZXi(O) అనే 4 వేరియంట్స్ లో, సాలిడ్ సిజిల్ ఆరెంజ్, పెర్ల్ స్టార్రీ బ్లూ, సాలిడ్ వైట్, సాలిడ్ ఫైర్ రెడ్, మెటాలిక్ గ్రానైట్ గ్రే, మెటాలిక్ సిల్కీ సిల్వర్ మరియు పెర్ల్ మిడ్‌నైట్ బ్లాక్ అనే 7 కలర్స్ లో మరియు రూ.4.26 లక్షలు(ఎక్స్-షోరూం) ప్రారంభ ధరతో అందుబాటులో ఉంది. 

మారుతి ఇగ్నిస్ 

ఇక చివరిగా ఈ వరుసలో మారుతి ఇగ్నిస్ నిలిచింది. పైన పేర్కొన్న రెండింటి కంటే దీనిపై మరింత ఎక్కువగా రూ.75,000 వరకు డిస్కౌంట్స్ లభించనున్నాయి. ఇందులో రూ.35,000 క్యాష్ డిస్కౌంట్, రూ.25,000 ఎక్చేంజ్ బోనస్ మరియు రూ.10,000 కార్పోరేట్ డిస్కౌంట్ మరియు రూ. 5,000 స్క్రాప్ బోనస్ ఉన్నాయి. ప్రస్తుతం ఇండియాలో ఈ హ్యచ్ బ్యాక్ సిగ్మా, డెల్టా, జీటా మరియు ఆల్ఫా అనే 4 వేరియంట్స్ లో రూ.5.84 లక్షలు(ఎక్స్-షోరూం) ప్రారంభ ధరతో అందుబాటులో ఉంది. అన్నీ డిస్కౌంట్స్ కి సంబంధించి మీరు మరిన్ని వివరాలను తెలుసుకోవాలంటే మీకు దగ్గరలో ఉన్న డీలర్స్ ని లేదా మా కార్‌వాలే వెబ్ సైట్ ని సందర్శించగలరు.

అనువాదించిన వారు: సంజయ్ కుమార్