డిస్కౌంట్ ఆఫర్స్: డిసెంబరులో ఎస్-ప్రెస్సో, ఇగ్నిస్‍ మోడల్స్ పై భారీ డిస్కౌంట్‍ని ప్రకటించిన మారుతి

• ఇండియాలో రూ.4.26 లక్షలతో ప్రారంభంకానున్న ఎస్-ప్రెస్సో ధరలు
• రూ. 5.86 లక్షలు (ఎక్స్-షోరూం) నుండి ప్రారంభంకానున్న ఇగ్నిస్‍ ధరలు

కొంతమంది మారుతి సుజుకి డీలర్స్ తమ ఇయర్-ఎండ్ స్కీమ్ లలో భాగంగా భారీ డిస్కౌంట్స్ అందిస్తున్నారు. ఓ రకంగా ఇది మారుతి కారును కొనుగోలు చేయాలనుకునే వారికి శుభ పరిణామం అని చెప్పవచ్చు. ఈ బెనిఫిట్స్  నెక్సామరియు ఎరీనా చైన్‌లలో క్యాష్ డిస్కౌంట్స్, ఎక్స్చేంజ్ బోనస్‌ మరియు కార్పొరేట్ డిస్కౌంట్స్ రూపంలో పొందవచ్చు.

మారుతి ఇగ్నిస్

ఇగ్నిస్ పై ఉన్న డిస్కౌంట్స్ గురించి చెప్పాలంటే, డిసెంబర్ నెలలో పెట్రోల్-పవర్డ్ మారుతి ఇగ్నిస్ పై మొత్తంగా రూ. 65,000 వరకు డిస్కౌంట్స్ లభించనున్నాయి. అందులో రూ. 40,000 వరకు క్యాష్ డిస్కౌంట్, రూ. 15,000 ఎక్స్ఛేంజ్ బోనస్ మరియు రూ. 10,000 కార్పొరేట్ డిస్కౌంట్ వంటివి అందుబాటులో ఉన్నాయి. పైన పేర్కొన్న ఈ డిస్కౌంట్స్ ప్రాంతం, వేరియంట్, కలర్, అందుబాటులో ఉన్నస్టాక్ మరియు ఇతర అంశాలను బట్టి మారే అవకాశం ఉంది. దీనికి సంబంధించి పూర్తి వివరాలు తెలుసుకోవాలంటే మీకు దగ్గరలో ఉన్న డీలర్ షిప్ ని సందర్శించగలరు.

ఇగ్నిస్ పవర్డ్ 1.2-లీటర్ పెట్రోల్ ఇంజిన్ 82bhp మరియు 113Nm టార్క్‌ను ఉత్పత్తి చేస్తుంది. కస్టమర్లు ఈ దీని ఇంజిన్ ని 5-స్పీడ్ మాన్యువల్ లేదా ఎఎంటియూనిట్‌తో కాన్ఫిగర్ చేయవచ్చు. ప్రస్తుతం, ఈ హ్యాచ్‌బ్యాక్ ధర రూ. 5.84 లక్షలు(ఎక్స్-షోరూమ్) నుండి రూ. 8.30 లక్షలు(ఎక్స్-షోరూమ్) వరకు ఉంది.

మారుతి ఎస్-ప్రెస్సో

డిసెంబర్ నెలలో, పెట్రోల్-పవర్డ్ మారుతి ఎస్-ప్రెస్సోపై మొత్తంగా రూ. 55,000 వరకు డిస్కౌంట్స్ లభించనున్నాయి. అందులో రూ. 35,000 వరకు క్యాష్ డిస్కౌంట్, రూ. 20,000 ఎక్స్ఛేంజ్ బోనస్ ఉన్నాయి. అదే విధంగా, సిఎన్‍జి వేరియంట్స్ పై రూ. 30,000 వరకు క్యాష్ డిస్కౌంట్, రూ. 20,000 ఎక్స్ఛేంజ్ బోనస్ అందుబాటులో ఉన్నాయి.

ఎస్-ప్రెస్సో హ్యాచ్‌బ్యాక్ Std, LXi, VXi మరియు VXi+ అనే 4 వేరియంట్లలో లభిస్తుంది. కస్టమర్స్ దీనిని సాలిడ్ సిజిల్ ఆరెంజ్, పెర్ల్ స్టార్రీ బ్లూ, సాలిడ్ వైట్, సాలిడ్ ఫైర్ రెడ్, మెటాలిక్ గ్రానైట్ గ్రే, మెటాలిక్ సిల్కీ సిల్వర్ మరియు పెర్ల్ మిడ్‌నైట్ బ్లాక్ అనే 7 కలర్స్ నుండి ఎంచుకోవచ్చు.

అనువాదించిన వారు: సంజయ్ కుమార్