- ఇప్పుడు స్క్రాపేజ్ బోనస్‌ను పొందనున్న బాలెనో
- అందుబాటులో ఉన్న 4 వేరియంట్స్ మరియు 7 కలర్స్
ఎరీనా మరియు నెక్సా చైన్‌లో ఉన్న సెలెక్టెడ్ మారుతి సుజుకి డీలర్‌షిప్స్ ఈ ఏడాది అక్టోబర్ 2023లో ఫెస్టివల్ సీజన్‌కు ముందు తమ ప్రొడక్ట్స్ పై భారీ డిస్కౌంట్స్ ను అందిస్తున్నాయి. ఈ బెనిఫిట్స్ క్యాష్ డిస్కౌంట్స్, ఎక్స్ఛేంజ్ బోనస్ మరియు స్క్రాపేజ్ బోనస్ రూపంలో కస్టమర్స్ పొందవచ్చు.
పెట్రోల్ వెర్షన్ లో లభించే మారుతి బాలెనోపై రూ. 20,000 క్యాష్ డిస్కౌంట్, రూ. 20,000 వరకు ఎక్స్ఛేంజ్ బోనస్, మరియు రూ. 5,000 వరకు స్క్రాపేజ్ బోనస్ లభిస్తుంది. అదే విధంగా, సిఎన్‍జి వెర్షన్స్ పై డిస్కౌంట్స్ రూ. 10,000 క్యాష్ డిస్కౌంట్, రూ. 25,000 ఎక్స్ఛేంజ్ బోనస్, మరియు రూ. 5,000 స్క్రాపేజ్ బోనస్ లభిస్తుంది.
ఈ నెల ప్రారంభంలో, కూపే-ఎస్‌యూవీ బేస్డ్ బాలెనో లాగా అనిపించే మారుతి ఫ్రాంక్స్, బుకింగ్ నంబర్స్ పరంగా బాలెనో తరువాతి స్థానంలో నిలిచింది. అమ్మకాలలో బాలెనో ఇంకా ముందున్నప్పటికీ, ఈ ట్రెండ్ ఇలాగే కొనసాగుతున్నా, రాబోయే నెలల్లో మారే అవకాశం ఉండవచ్చు. ఇంకా, ఫ్రాంక్స్ లాగా అనిపించే టయోటా డెరివేటివ్‌ అర్బన్ క్రూయిజర్ టైజర్ ని మార్కెట్లోకి విడుదల చేయనున్నారు, ఈ లాంచ్ రాబోయే నెలల్లో జరగనున్నట్లు అంచనా వేస్తున్నారు.
అనువాదించిన వారు: సంజయ్ కుమార్
