- రూ.12.99 లక్షల నుంచి ధరలు ప్రారంభం
- ఏడు కలర్లు మరియు ఆరు వేరియంట్లలో థార్ రాక్స్ లభ్యం
మహీంద్రా నుంచి లాంచ్ అయ్యే మోడల్స్ కోసం అందరూ ఎంతగానో ఎదురుచూస్తున్న తరుణంలో, థార్ రాక్స్ కారును మహీంద్రా ఈ సంవత్సరంలో లాంచ్ చేసింది. ఫైవ్-డోర్ థార్ గా కూడా పిలుస్తున్న ఈ ఆఫ్-రోడర్ కారు ఈ సంవత్సరం ఆగస్టు నెలలో లాంచ్ అయ్యింది. గత కొన్ని నెలలకు పైగా ఓ రేంజ్ అప్ డేట్స్ తర్వాత ఈ లైఫ్ స్టైల్ ఎస్యూవీ రాగా, ఇప్పుడు ఆటోమేకర్ ఈ కారు డెలివరీని ప్రారంభించింది.
మహీంద్రా థార్ రాక్స్ మొత్తం ఆరు వేరియంట్లలో అందించబడగా, అందులో MX1, MX3, AX3L, MX5, AX5L, మరియు AX7L వంటి వేరియంట్లు ఉన్నాయి. ఇంకా చెప్పాలంటే, కస్టమర్లు ఈ కారును స్టెల్త్ బ్లాక్, టాంగో రెడ్, ఎవరెస్ట్ వైట్, డీప్ ఫారెస్ట్, నెబ్యులా బ్లూ, బ్యాటిల్ షిప్ గ్రే, మరియు బర్న్ట్ సియెన్నా వంటి ఏడు కలర్ల నుంచి సెలెక్ట్ చేసుకోవచ్చు.
కొత్త థార్ రాక్స్ కారును 2.0-లీటర్ టర్బో-పెట్రోల్ మరియు 2.2-లీటర్ డీజిల్ ఇంజిన్ ఆప్షన్లతో, 6-స్పీడ్ మాన్యువల్ మరియు టార్క్ కన్వర్టర్ ఆటోమేటిక్ గేర్ బాక్సులతో జతచేసి పొందవచ్చు. అలాగే, ఈ కారు 4x2 మరియు 4x4 వెర్షన్లలో అందించబడింది.
2024 థార్ రాక్స్ ఎక్స్టీరియర్ హైలైట్లలో ఎల్ఈడీ ప్రొజెక్టర్ హెడ్ ల్యాంప్స్, కొత్త మల్టీ-స్లాట్ గ్రిల్, డ్యూయల్-టోన్ అల్లాయ్ వీల్స్, స్క్వేర్డ్ ఎల్ఈడీ టెయిల్ లైట్స్, టెయిల్ గేట్-మౌంటెడ్ స్పేర్ వీల్, మరియు సి-పిల్లర్ మౌంటెడ్ రియర్ డోర్ హ్యండిల్స్ వంటివి ఉన్నాయి. ఇంటీరియర్ పరంగా, లోపల చూస్తే, పనోరమిక్ సన్ రూఫ్, వైర్ లెస్ యాపిల్ కార్ ప్లే, మరియు ఆండ్రాయిడ్ ఆటో, ఫుల్లీ డిజిటల్ ఇంస్ట్రుమెంట్ క్లస్టర్, ఎడాస్ (ఏడీఏఎస్) సూట్, వెంటిలేటెడ్ ఫ్రంట్ సీట్లు, ఆటోమేటిక్ క్లైమేట్ కంట్రోల్, మరియు 65W యూఎస్బీ టైప్-సి చార్జింగ్ పోర్ట్ వంటి ఫీచర్లతో థార్ రాక్స్ ఎస్యూవీ వచ్చింది.
అనువాదించిన వారు: సంజయ్ కుమార్