- అక్టోబర్ 3వ తేదీన ప్రారంభంకానున్న అధికారిక బుకింగ్స్
- 3 వేరియంట్లలో లభ్యం
మహీంద్రా ఈ సంవత్సరం, సరికొత్త ఎస్‌యువి థార్ రాక్స్ ను ఇండియాలో లాంచ్ చేసింది. ఇప్పుడు, అక్టోబర్ 3న థార్ 4x4 బుకింగ్‌లు ప్రకటించబడనుండగా, మహీంద్రా థార్ 4x4ని ఇండియన్ మార్కెట్లోకి లాంచ్ చేసింది. ఇది 3 వేరియంట్స్ లో అందించబడుతుంది. దీనిని రూ. 18.79 లక్షలు (ఎక్స్-షోరూమ్)ప్రారంభ ధరతో పొందవచ్చు. అలాగే, 4x4 వెర్షన్స్ డీజిల్ ఇంజిన్‌తో మాత్రమే అందుబాటులో ఉంటాయి.
థార్ రాక్స్ 4x4 వెర్షన్స్ 2.2-లీటర్ డీజిల్ ఇంజిన్‌తో అందించబడ్డాయి. ఇది 150bhp మరియు 330Nm టార్క్ ఉత్పత్తి చేయడానికి ట్యూన్ చేయబడిన మాన్యువల్ గేర్‌బాక్స్‌తో జత చేయబడింది. అయితే, ఆటోమేటిక్ వేరియంట్ 173bhp మరియు 370Nm టార్క్‌ను ఉత్పత్తి చేస్తుంది. ఇంకా చెప్పాలంటే, ఎలక్ట్రానిక్ లాకింగ్ డిఫరెన్షియల్‌తో పాటు, ఇది మంచు, ఇసుక మరియు మడ్ టెర్రైన్ మోడ్‌లతో కూడా వస్తుంది.
ఫీచర్ల విషయానికొస్తే, MX5 వేరియంట్ 10.25-ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్‌తో వైర్‌లెస్ ఆండ్రాయిడ్ ఆటో మరియు వైర్డు ఆపిల్ కార్‌ప్లే, వైర్‌లెస్ ఛార్జర్, ఫ్రంట్ పార్కింగ్ సెన్సార్స్, సింగిల్ పేన్ సన్‌రూఫ్, లెథెరెట్ సీట్స్ , ఆటో-డిమ్మింగ్ ఐఆర్‍విఎం మరియు టిపిఎంఎస్ (టైర్ ప్రెజర్ మానిటరింగ్ సిస్టమ్) ను పొందింది. అలాగే, హై వేరియంట్ AX5L లో లెవల్ 2 ఏడీఏఎస్(ఎడాస్)సూట్, ఆటోమేటిక్ క్లైమేట్ కంట్రోల్, డిజిటల్ ఇన్‌స్ట్రుమెంట్ క్లస్టర్, ఎలక్ట్రిక్ పార్కింగ్ బ్రేక్ మరియు కనెక్ట్ చేయబడిన కార్ ఫీచర్లు ఉన్నాయి. అలాగే, పనోరమిక్ సన్‌రూఫ్, 19-ఇంచ్ అల్లాయ్‌స్ , పవర్డ్ డ్రైవర్ సీట్, కూల్డ్ గ్లోవ్‌బాక్స్, 360-డిగ్రీ కెమెరా, వెంటిలేటెడ్ ఫ్రంట్ సీట్స్ మరియు పవర్-ఫోల్డింగ్ ఒఆర్‍విఎంఎస్ను కలిగి ఉన్న టాప్-స్పెక్ AX7L అన్ని గంటలు మరియు విజిల్‌లతో వస్తుంది.
మారుతి సుజుకి జిమ్నీ మరియు ఫైవ్-డోర్ ఫోర్స్ గూర్ఖాకు థార్ రాక్స్ పోటీగా కొనసాగుతోంది.
వేరియంట్ వారీగా మహీంద్రా థార్ రాక్స్ 4x4 ఎక్స్-షోరూమ్ ధరలు క్రింది ఇవ్వబడ్డాయి:
థార్ రాక్స్ 4x4 MX5 మాన్యువల్: రూ. 18.79 లక్షలు
థార్ రాక్స్ 4x4 AX5L ఆటోమేటిక్: రూ. 20.99 లక్షలు
థార్ రాక్స్ 4x4 AX7L మాన్యువల్: రూ. 20.99 లక్షలు
థార్ రాక్స్ 4x4 AX7L ఆటోమేటిక్: రూ. 22.49 లక్షలు
అనువాదించిన వారు: రాజపుష్ప
