- పెట్రోల్ మరియు డీజిల్ ఇంజిన్లలో అందించబడుతున్న థార్ మోడల్
- త్రీ-డోర్ థార్ కంటే మరిన్ని మెరుగైన ఫీచర్లతో వస్తున్న ఫైవ్-డోర్ థార్
ఇందులో కొత్తగా ఏమున్నాయి ?
మొత్తానికి వచ్చేస్తుంది. అదేనండీ.. ఫైవ్-డోర్ మహీంద్రా థార్. దీనిని థార్ ఆర్మడా అని కూడా పిలుస్తుండగా, అధికారికంగా ఆగస్టు 15వ తేదీన అరంగేట్రం చేయనుంది. లేటెస్టుగా లీక్ అయిన ఫోటోలలో చూస్తే, ఫాసియా మరియు బి-పిల్లర్ వరకు సైడ్ ప్రొఫైల్ రెడ్ కలర్లో ఉండగా, త్రీ-డోర్ మోడల్ తో పోలిస్తే ఇది కొంచెం డార్క్ షేడ్ లో అందించబడే అవకాశం ఉంది.
కారు ముందు భాగాన్ని పరిశీలిస్తే, గత సంవత్సరం చూసిన స్పై షాట్లలో ఉన్న మాదిరిగానే ఉంది. అలాగే ఇది ఎల్ఈడీ లైటింగ్ తో థార్ ఫ్యామిలీ సర్క్యులర్ షేప్ ని కలిగి ఉంటుండగా, సి-షేప్డ్ డీఆర్ఎల్స్ కూడా అసెంబుల్ చేయబడ్డాయి. అలాగే, కనిపిస్తున్న హైలైట్ అంశాలలో ఫెండర్-మౌంటెడ్ ఇండికేటర్స్, ఫాగ్ ల్యాంప్స్, మరియు సిక్స్-స్లాట్ గ్రిల్ ఉండగా, ఇది త్రీ-డోర్ థార్ కంటే మెరుగ్గా కనిపించనుంది.
రెండవ ఫోటోను పరిశీలిస్తే, స్ట్రాంగ్ డిజైన్ ఎలిమెంట్, ఓల్డ్-స్కూల్ డోర్ హ్యండిల్స్, మరియు “థార్” అనే పదం రాసి ఉన్న పెద్ద వింగ్ మిర్రర్స్ ఉన్నట్లు నిర్ధారణ అయ్యింది. ఇవన్నీ త్రీ-డోర్ థార్ వెర్షన్ నుంచి తీసుకోగా, వీటిని బట్టి ఈ రెండు వెర్షన్లు ఒకే ఫ్యామిలీ నుంచి వచ్చాయని, కార్ల డెవలప్ మెంట్ ఒకేలా జరిగిందని అర్థం చేసుకోవచ్చు.
ఫీచర్ లిస్టు
ఫైవ్-డోర్ వెర్షన్ థార్ కారులో 360-డిగ్రీ కెమెరా (ఫోటోల్లో కనిపిస్తుంది) రియర్ వెంట్లతో క్లైమేట్ కంట్రోల్, పెద్ద టచ్స్క్రీన్ ఇన్ఫోటైన్మెంట్ సిస్టమ్, డిజిటల్ క్లస్టర్, కనెక్టెడ్ కార్ టెక్నాలజీ, లెవెల్-2 ఎడాస్ (ఏడీఏఎస్), పవర్డ్ మరియు వెంటిలేటెడ్ ఫ్రంట్ సీట్స్ మరియు అదనపు స్టోరేజ్ స్పేస్ కోసం రెండవ వరుసలో స్ప్లిట్-ఫోల్డింగ్ వంటి ఫీచర్లను మహీంద్రా కంపెనీ అందిస్తుందని భావిస్తున్నాం.
పవర్ ట్రెయిన్ మరియు పోటీ
ఆర్మడా అని పిలువబడుతున్న ఫైవ్-డోర్ థార్ త్రీ-డోర్ మోడల్ లో అందించబడిన పవర్ ట్రెయిన్లతో వస్తుంది. అంటే, ఇందులోని 2.0-లీటర్ పెట్రోల్ ఇంజిన్ మరియు 2.2-లీటర్ డీజిల్ ఇంజిన్లను 6-స్పీడ్ మాన్యువల్ లేదా 6-స్పీడ్ ఆటోమేటిక్ గేర్ బాక్సు ఆప్షన్లతో జతచేసి పొందవచ్చు. వేరియంట్ ని బట్టి, ఇందులో 4డబ్లూడీ (4-వీల్ డ్రైవ్) కూడా ఉంటుంది. నిజానికి, దీని పూర్తి సిస్టంని మేము ఆఫ్-రోడ్ ద్వారా కూడా టెస్ట్ చేశాము.
ఇంకా, ధర పరంగా ఫైవ్-డోర్ థార్ కారును XUV700 మరియు స్కార్పియో N ధర రేంజ్ లో తీసుకురానుండగా, మహీంద్రా దాని యూనిక్ సెల్లింగ్ పాయింట్ కారణంగా ఈ కారు వీటిలో అందించిన వాటిని షేర్ చేసుకోనుంది. అలాగే ఫైవ్-డోర్ థార్ కారు ఎంజి హెక్టర్ ప్లస్, హ్యుందాయ్ అల్కాజార్, మరియు ఫైవ్-డోర్ ఫోర్స్ గూర్ఖా వంటి కార్లతో పోటీపడనుంది.
ఫోటో మూలం : ముడ్డు రెబెల్
అనువాదించిన వారు: సంజయ్ కుమార్