- న్యూ-జెన్ కార్నివాల్‌తో పాటుగా లాంచ్ కానున్న EV9
- సింగిల్ ఫుల్లీ లోడెడ్ వేరియంట్లో అందుబాటులోకి రానున్న EV9 మోడల్
అక్టోబర్ 3న కియా ఇండియా EV9ధరను వెల్లడించనుండగా, దాని కంటే ముందుగా, కియా ఇండియా తొలిసారిగా కొత్త EV9 ఎలక్ట్రిక్ ఎస్యూవీ టీజర్ ని రిలీజ్ చేసింది. ఇండియన్ మార్కెట్లోఈ కొత్త ప్రీమియం మోడల్ న్యూ-జెన్ కార్నివాల్‌తో పాటుగా లాంచ్ కానుంది.
టీజర్‌లో చూసినట్లుగా, కియా EV9 మోడల్ గ్లోబల్-స్పెక్ కారు సిల్హౌట్‌ ని కలిగి ఉంటుంది. ఇది సిబియు రూట్ ద్వారా ఇండియాకి చేరుకోవడానికి సిద్ధంగా ఉండగా, లాంచ్ సమయానికి ఈ మోడల్ ఒకేఒక్క వేరియంట్లో అందుబాటులోకి రానుంది. అలాగే, ఇండియన్ మార్కెట్ లో EV6 తర్వాత ఈ బ్రాండ్ నుండి వస్తున్న రెండవ ఈవీ ఇదే అవుతుంది. అలాగే EV6 మోడల్ భవిష్యత్తులో ఇండియన్ మార్కెట్లో ఫేస్లిఫ్ట్ వెర్షన్ తో వస్తుందని భావిస్తున్నాం.
2024 కియా EV9 మోడల్ రానున్న రోజుల్లో ఇండియన్ మార్కెట్లో బ్రాండ్ నుండి కొత్త ఫ్లాగ్‌షిప్ కారుగా మారనుంది, ఇది బ్లాంక్డ్-ఆఫ్ గ్రిల్, 21-ఇంచ్ అల్లాయ్ వీల్స్ మరియు GT-స్పెక్ ఫ్రంట్ మరియు రియర్ బంపర్స్ వంటి డిజైన్ అంశాలను కలిగి ఉంటుంది. ఇంటీరియర్ పరంగా, ఈ కారు కనెక్ట్ చేయబడిన కార్ టెక్నాలజీ, లెవెల్ 2 ఏడీఏఎస్ (ఎడాస్) సూట్, 360-డిగ్రీ కెమెరా, మల్టీ-జోన్ క్లైమేట్ కంట్రోల్, పవర్డ్ టెయిల్‌గేట్, రెండవ వరుసలో లాంజ్ ఫంక్షన్, ఎలక్ట్రికల్‌గా సర్దుబాటు చేయగల సీట్స్ మరియు రెండవ వరుసలో వెంటిలేటెడ్ సీట్స్ వంటి కొత్త ఫీచర్లను పొందవచ్చని భావిస్తున్నాం.
ఇండియా-స్పెక్ EV9 మోడల్ 99.9kWh బ్యాటరీ ప్యాక్‌తో ఎడబ్ల్యూడి వేరియంట్లో రెండు ఎలక్ట్రిక్ మోటార్‌లతో జత చేయబడే అవకాశం ఉంది. ఈ మోటార్ 379bhp మరియు 700Nm టార్క్‌ను ఉత్పత్తి చేయగలదు. అలాగే, ఇది ఒక్కసారి పూర్తి ఛార్జ్‌పై 445కిలోమీటర్ల క్లెయిమ్డ్రేంజ్ ని అందిస్తుంది. అదనంగా, 350kWh ఛార్జర్ ని ఉపయోగించి, కేవలం 24 నిమిషాల్లో దీని బ్యాటరీని 10-80 శాతం వరకు ఛార్జ్ చేయవచ్చు.
అనువాదించిన వారు: రాజపుష్ప
