- స్వచ్ఛందంగా రీకాల్ ను ప్రారంభించిన కియా ఇండియా
- ఐసిసియులో ప్రధాన సమస్యే రీకాల్ కి కారణం
కియా ఇండియా EV6ని స్వచ్ఛందంగా రీకాల్ చేయడం ప్రారంభించింది. ఇది లోకల్ మార్కెట్ లో కియా బ్రాండ్ నుండి అందించబడుతున్న ఏకైక ఎలక్ట్రిక్ కారు అని చెప్పవచ్చు. ముఖ్యంగా, దీని ఆటోమేకర్ EV6కి సంబంధించిన యజమానులను సంప్రదించి, సమస్యకు గురైన భాగాన్ని రీప్లేస్ మెంట్ ద్వారా కస్టమర్‌కు ఎటువంటి ఖర్చు లేకుండా ఉచితంగా భర్తీ చేస్తుంది. దీనిలో భాగంగా బ్రాండ్ ప్రతి కస్టమర్‌ను వారి వారి డీలర్‌షిప్‌ల ద్వారా సంప్రదిస్తుంది.
కియా ప్రకారం చూస్తే, EV6 మోడల్ కి సంబంధించి3 మార్చి, 2022 మరియు 14 ఏప్రిల్, 2023 మధ్య తయారు చేయబడిన మొత్తం 1,138 యూనిట్లను రీకాల్ చేసింది. ఈ కార్లను వెనక్కి రప్పించడానికి కారణం ఏమిటంటే, ఇంటిగ్రేటెడ్ ఛార్జింగ్ కంట్రోల్ యూనిట్ (ఐసిసియు)లో ప్రధాన సమస్యే కారణంగా తెలుస్తుంది. దీనిని పరిష్కరించకపోతే 12V ఆగ్జిలరీ బ్యాటరీ పెర్ఫార్మెన్స్ పై ప్రభావం చూపవచ్చు.
ప్రస్తుతం ఇండియాలో కియా బ్రాండ్ నుంచి ఏకైక ఎలక్ట్రిక్ కారుగా EV6 విక్రయించబడుతుండగా, ఇండియాలో EV9 ఎలక్ట్రిక్ ఎస్‌యువిని పరిచయం చేస్తున్నట్లు నిర్ధారించింది. ఈ కారు ఇప్పటికే అనేక సందర్భాల్లో ఇండియాలో టెస్టింగ్ చేస్తూ కనిపించగా, మూడు వరుసల ఈవీ ప్రస్తుత ఆర్థిక సంవత్సరంలో ఇండియాలో లాంచ్ కానుంది.
అనువాదించిన వారు: రాజపుష్ప
