- 585bhp మాక్సిమం ఉత్పత్తి చేయనున్న కియా నయా మోడల్
- పూర్తిగా రీఫ్రెష్డ్ ఫ్రంట్ మరియు రియర్ లుక్ ని పొందనున్న EV6 GT ఫేస్లిఫ్ట్
కియా EV6 ప్రపంచవ్యాప్తంగా మార్కెట్‌లోకి అందుబాటులోకి వచ్చి మూడు సంవత్సరాలుగా అవుతుంది. ఈ సంవత్సరం ప్రారంభంలో, ఫేస్‌లిఫ్టెడ్ EV6ని తీసుకువస్తున్నట్లు కియా కంపెనీ వెల్లడించింది, ఇది ప్రాథమికంగా EV కోసం మిడ్‌లైఫ్ మేక్ఓవర్ అని చెప్పవచ్చు.ఎందుకంటే లాంచ్ అయినప్పటి నుంచి ఎలాంటి అప్ డేట్స్ అందుకోలేదు. ఫేస్‌లిఫ్టెడ్ మోడల్ 2024 చివరిలో లేదా 2025 ప్రారంభంలో డీలర్‌షిప్‌లను చేరే అవకాశం ఉందని భావిస్తున్నాం. ఇక్కడ చూస్తే, జర్మనీలో ఫేస్‌లిఫ్టెడ్ GT వేరియంట్ ప్రోటోటైప్‌ స్పై ఏజెంట్ల కెమెరాకు చిక్కింది.
EV6 మోడల్ కియా ఎలక్ట్రిక్ గ్లోబల్ మాడ్యులర్ ప్లాట్‌ఫారమ్ (ఈ-జిఎంపి) పై తయారుచేయబడగా, ఇది 800V ఫాస్ట్ ఛార్జింగ్‌కి సపోర్ట్ చేస్తుంది. బ్యాటరీ ప్యాక్ మరియు స్పెసిఫికేషన్ల విషయానికొస్తే, ఫేస్‌లిఫ్టెడ్ EV6 మోడల్ 84kWh యూనిట్ అనే పెద్ద బ్యాటరీ ప్యాక్ ను పొందుతుంది. ఇంతకు ముందు అనగా ప్రస్తుత వెర్షన్ కంటే దాదాపు 6.6kWh యూనిట్ ని ఫేస్‌లిఫ్టెడ్ EV6 మోడల్ అధికంగా కలిగి ఉండనుంది. అలాగే, ఈ బ్యాటరీ ప్యాక్ 350kW డిసి ఫాస్ట్ ఛార్జింగ్‌ సహాయంతో బ్యాటరీని కేవలం 18 నిమిషాల్లో 10 నుండి 80 శాతం వరకు ఛార్జ్ చేయడానికి సపోర్ట్ చేస్తుంది.
స్పోర్టీ GT వేరియంట్ ప్రస్తుతం రెండు మోటార్లను కలిగి ఉండగా, మొత్తం 585bhp మాక్సిమం పవర్ ని ఉత్పత్తి చేస్తుంది. ఈ కొత్త వెర్షన్లో ఫ్రంట్ మరియు రియర్ బంపర్‌ల లేఅవుట్‌తో పాటుగా ఫ్రంట్ ప్రొఫైల్ మరియు రియర్ ప్రొఫైల్ లోని ల్యాంప్ యూనిట్ల గ్రాఫిక్స్ ను కియా కంపెనీ మార్చనుంది. అలాగే, కొత్త వీల్స్, కొత్త కలర్స్ మరియు అప్‌డేటెడ్ ఇంటీరియర్‌తో GT రేంజ్ వస్తుందని మేము భావిస్తున్నాము.
అనువాదించిన వారు: సంజయ్ కుమార్
