- ప్రీమియం (O) వెర్షన్ కంటే మెరుగైన ఫీచర్లతో వచ్చిన గ్రావిటీ వేరియంట్
- సెల్టోస్ మరియు సోనెట్ కార్లలో కూడా వచ్చిన గ్రావిటీ వేరియంట్లు
కియా ఇండియా ఫెస్టివ్ సీజన్ ని ఘనంగా ఆరంభిస్తుంది. కియా కంపెనీ ఇండియాకు వచ్చి ఐదేళ్ళు అవుతున్న సందర్భంగా సెల్టోస్, కారెన్స్ మరియు సోనెట్ కార్లలో గ్రావిటీ వేరియంట్ ని లాంచ్ చేసి దాని ఐదేళ్ళ వార్షికోత్సవాన్ని మరపురాని ఈవెంట్ గా మార్చింది. రూ.12.1 లక్షల ఎక్స్-షోరూం ప్రారంభ ధరతో పెట్రోల్ మరియు డీజిల్ వెర్షన్లలో కారెన్స్ లోని కొత్త గ్రావిటీ వేరియంట్ అందుబాటులోకి వచ్చింది.
కారెన్స్ కారులోని అందించబడిన ప్రీమియం (O) వేరియంట్ కంటే మెరుగైన ఫీచర్లను గ్రావిటీ వేరియంట్ కలిగి ఉంది. ఫీచర్ల పరంగా చూస్తే, కొత్త గ్రావిటీ వేరియంట్లో డ్యాష్ కెమెరా, సన్ రూఫ్, ఆర్టిఫిషియల్ బ్లాక్ లెదర్ సీట్స్. ఫ్లాట్-బాటమ్ స్టీరింగ్ వీల్, లెదరెట్ డోర్ సెంటర్ మరియు ఆర్మ్ రెస్ట్స్, ఎల్ఈడీ రీడింగ్ ల్యాంప్స్, మరియు ఎంపివికి ఇరువైపులా గ్రావిటీ బ్యాడ్జీల వంటి ఫీచర్లు లభిస్తాయి.
మెకానికల్ గా, కియా కారెన్స్ గ్రావిటీ వెర్షన్ కారు 1.5-లీటర్ పెట్రోల్, 1.5-లీటర్ టిజిడిఐ పెట్రోల్, 1.5-లీటర్ డీజిల్ ఇంజిన్లతో అందించబడింది. కొత్త కియా కారెన్స్ లో వచ్చిన గ్రావిటీ వేరియంట్ ఎక్స్-షోరూం ధరలు కింది విధంగా ఉన్నాయి.
| వేరియంట్ | ఎక్స్-షోరూం ధర |
| కియా కారెన్స్ గ్రావిటీ 1.5-లీటర్ పెట్రోల్ ఎంటి | రూ. 12.1 లక్షలు |
| కియా కారెన్స్ గ్రావిటీ 1.5-లీటర్ టిజిడిఐ పెట్రోల్ ఐఎంటి | రూ. 13.5 లక్షలు |
| కియా కారెన్స్ గ్రావిటీ 1.5-లీటర్ డీజిల్ ఎంటి | రూ. 14 లక్షలు |
అనువాదించిన వారు: సంజయ్ కుమార్
