- ఆగస్టు నెలలో వీటిపై రూ.71 వేలకు పైగా అందుబాటులో ఉన్న బెనిఫిట్స్
- వెన్యూలో కేవలం రూ.6 వేలతో అందుబాటులో ఉన్న రూ.21 వేలు విలువ చేసే యాక్సెసరీస్ ప్యాకేజీ
హ్యుందాయ్ కంపెనీ నుంచి వచ్చిన చాలా మోడల్స్ ఇండియాలో విక్రయించబడుతున్నాయి. అందులో వెన్యూ మరియు ఎక్స్‌టర్ కార్లు కూడా ఉన్నాయి. ప్రస్తుతం హ్యుందాయ్ కంపెనీ ఈ రెండు కార్లపై స్పెషల్ బెనిఫిట్స్ అందిస్తుండగా, వాటితో పాటు అందులోని యాక్సెసరీస్ ప్యాకేజీలను కూడా చాలా తక్కువ ధరకు తీసుకువచ్చింది. మరికొన్ని రోజుల్లో పండుగ సీజన్ ప్రారంభమవుతుంది కాబట్టి, ఈ స్పెషల్ బెనిఫిట్స్ మరింతగా పెరిగే అవకాశం ఉంది. ఇప్పుడు మనం ఈ రెండు కార్లపై లభిస్తున్న స్పెషల్ బెనిఫిట్స్ వివరాలను తెలుసుకుందాం.
హ్యుందాయ్ వెన్యూ స్పెషల్ బెనిఫిట్స్ & యాక్సెసరీస్ ప్యాకేజీ వివరాలు
హ్యుందాయ్ కంపెనీ వెన్యూ కారుపై రూ.70 వేలకు పైగా స్పెషల్ బెనిఫిట్స్ అందిస్తుంది. అంతేకాకుండా, ఈ కారులో రూ.18 వేలు విలువ చేసే అదనపు యాక్సెసరీలను కూడా తీసుకువచ్చింది. యాక్సెసరీస్ ప్యాకేజీలో డోర్ సైడ్ మౌల్డింగ్ – డార్క్ క్రోమ్, 3డీ బూట్ మ్యాట్, టెయిల్ ల్యాంప్ గార్నిష్ - డార్క్ క్రోమ్, ప్రీమియం డ్యూయల్ లేయర్ మ్యాట్ వంటివి ఉన్నాయి. ఒకవేళ మీరు ఈ అదనపు యాక్సెసరీలను పొందాలనుకుంటే కేవలం రూ.5 వేలు మాత్రమే చెల్లించి మీ సొంతం చేసుకోవచ్చు.
హ్యుందాయ్ ఎక్స్‌టర్ స్పెషల్ బెనిఫిట్స్ & యాక్సెసరీస్ ప్యాకేజీ వివరాలు
అలాగే, హ్యుందాయ్ కంపెనీ ఎక్స్‌టర్ కారుపై కూడా రూ.33 వేల వరకు స్పెషల్ బెనిఫిట్స్ అందిస్తుంది. స్పెషల్ బెనిఫిట్స్ ని అందించడమే కాకుండా, ఈ కారులో రూ.21 వేలు విలువ చేసే యాక్సెసరీస్ ప్యాకేజీని కూడా తీసుకువచ్చింది. అందులో 3డీ బూట్ మ్యాట్, నెక్ రెస్ట్ & కుషన్ కిట్, ట్విన్ హుడ్ స్కూప్, పియానో బ్లాక్ కలర్లో ఓఆర్‌విఎం వంటివి ఉన్నాయి. ఒకవేళ మీరు ఈ అదనపు యాక్సెసరీలను పొందాలనుకుంటే కేవలం రూ. 6 వేలు మాత్రమే చెల్లించి మీ సొంతం చేసుకోవచ్చు.
