- గరిష్టంగా రూ.80 వేల వరకు లభిస్తున్న డిస్కౌంట్స్
- ఆరా కాంపాక్ట్ సెడాన్ పై లభించని ఆఫర్లు
దసరా దీపావళి పండుగ సీజన్ సందర్భంగా హ్యుందాయ్ కంపెనీ దాని కాంపాక్ట్ రేంజ్ కార్లపై భారీగా ఫెస్టివ్ సీజన్ డిస్కౌంట్లను అందిస్తుంది. 2024 అక్టోబర్ 31వ తేదీ వరకు ఆఫర్లు మరియు బెనిఫిట్స్ అమలులో ఉంటుండగా, రూ.80 వేల వరకు ఇవి లభిస్తున్నాయి. వెన్యూ కారుపై రూ.80 వేల వరకు బెనిఫిట్స్ లభిస్తుండగా, గ్రాండ్ i10 నియోస్ పై రూ.58 వేల వరకు డిస్కౌంట్స్ లభిస్తున్నాయి.
ఇంకా హ్యుందాయ్ i20 హ్యచ్ బ్యాక్ పై మీరు రూ.55 వేల వరకు బెనిఫిట్స్ పొందవచ్చు, అలాగే ఎక్స్‌టర్ కారుపై సుమారు రూ.42,972 వరకు బెనిఫిట్స్ మీకు లభిస్తాయి. ఇక్కడ మీరు తెలుసుకోవాల్సిన ముఖ్యమైన అంశం ఏమిటంటే, ప్రస్తుతం హ్యుందాయ్ ప్రకటించిన డిస్కౌంట్స్ మరియు ఆఫర్లు ఆరా కాంపాక్ట్ సెడాన్ తో పాటుగా హ్యుందాయ్ నుంచి వచ్చిన క్రెటా మరియు అల్కాజార్ వంటి పెద్ద కార్లపై వర్తించవు.
క్యాంపెయిన్ గురించి హ్యుందాయ్ మోటార్ ఇండియా లిమిటెడ్ డైరెక్టర్ మరియు చీఫ్ ఆపరేటింగ్ ఆఫీసర్ తరుణ్ గార్గ్ మాట్లాడుతూ, “ఈ పండుగ సీజన్ ప్రయాణాన్ని ఆనందం, ఉత్సాహం మరియు విలువైన జ్ఞాపకాలతో నింపాలని ఈ క్యాంపెయిన్ ని ప్రారంభించాము. హ్యుందాయ్ సూపర్ డిలైట్ డేస్ క్యాంపెయిన్ ని ప్రారంభించినందుకు మేము ఎంతగానో సంతోషిస్తున్నాము. ఈ పండుగ సీజన్‌లో మా కస్టమర్‌లతో అనుభవాలను మరియు అనుభూతులను పంచుకోవడానికి ఇది సరైన మార్గం. ముఖ్యంగా దసరా మరియు దీపావళి పండుగల సమయంలో కొత్త కారును కొనుగోలు చేయడం అనేది శుభప్రదంగా పరిగణించబడుతుంది. ఈ క్యాంపెయిన్ ద్వారా, మా షోరూమ్‌కి వచ్చే సందర్శకులకు ఉత్తేజకరమైన మరియు సంతోషకరమైన అనుభవాన్ని అందించాలనుకుంటున్నాము. వేడుకలను మరింత ఆహ్లాదకరంగా చేయడానికి, కొత్త మోడళ్లు మరియు వేరియంట్లను పరిచయం” అని పేర్కొన్నారు.
అనువాదించిన వారు: సంజయ్ కుమార్
