![అధికారిక వెబ్ సైట్ నుంచి కోనా ఎలక్ట్రిక్ కారును తొలగించిన హ్యుందాయ్, ఎందుకో తెలుసా! అధికారిక వెబ్ సైట్ నుంచి కోనా ఎలక్ట్రిక్ కారును తొలగించిన హ్యుందాయ్, ఎందుకో తెలుసా!](https://imgd.aeplcdn.com/642x361/n/cw/ec/180301/hyundai-kona-electric-right-front-three-quarter1.jpeg?isig=0&q=80)
- బ్రాండ్ నుంచి అతి తక్కువగా అమ్ముడవుతున్న కోనా ఎలక్ట్రిక్ మోడల్
- హ్యుందాయ్ నుంచి మొదటి ఈవీ కారుగా అందించబడిన కోనా ఈవీ
హ్యుందాయ్ ఇండియా దాని అధికారిక వెబ్ సైట్ నుంచి ఆల్-ఎలక్ట్రిక్ కోనా ఎస్యూవీ మోడల్ ని తొలగిస్తున్నట్లు దాని వెబ్ సైట్ ద్వారా చిన్న క్లూని అందించింది. ఇండియాలో హ్యుందాయ్ నుంచి మొదటి ఎలక్ట్రిక్ ఎస్యూవీగా కోనా ఎలక్ట్రిక్ రాగా, చివరిగా ఇది రూ. 23.84 లక్షల ఎక్స్-షోరూం ధరతో విక్రయించబడింది.
ఇండియాలో హ్యుందాయ్ కోనా ఎలక్ట్రిక్ మొదటిసారిగా 2019పరిచయం కాగా, లాంచ్ అయినప్పటి నుంచి ఇప్పటివరకు ఎలాంటి అప్ డేట్ ని అందుకోలేదు. అదే విధంగా, కొరియన్ ఆటోమేకర్ నుంచి చాలా తక్కువగా అమ్ముడవుతున్న మోడళ్లలో ఒకటిగా కోనా ఎలక్ట్రిక్ నిలిచింది. ఇంకా చెప్పాలంటే, కొరియన్ బ్రాండ్ కస్టమర్లను ఆకర్షించడానికి రూ. 1.5 లక్షల వరకు భారీ డిస్కౌంట్స్ కూడా ప్రకటించింది.
![హ్యుందాయ్ కోనా ఎలక్ట్రిక్ రైట్ సైడ్ వ్యూ Hyundai Kona Electric Right Side View](https://imgd.aeplcdn.com/0x0/statics/grey.gif)
ప్రీమియం టైపులో మాత్రమే విక్రయించబడిన కోనా ఎలక్ట్రిక్ మోడల్ లో 39.2kWh బ్యాటరీ ప్యాక్ సింగిల్ మోటారుతో జతచేయబడి 134bhp మరియు 395Nm టార్కును ఉత్పత్తి చేస్తుంది. డ్రైవింగ్ రేంజ్ పరంగా చూస్తే, ఈ కారును ఒక్కసారి ఫుల్ ఛార్జ్ చేస్తే 452 కిలోమీటర్ల డ్రైవింగ్ రేంజ్ ని అందిస్తుందని కంపెనీ పేర్కొంది.
ఇప్పుడు, వెబ్ సైట్ నుంచి ఈ మోడల్ ని తొలగించిన తర్వాత, దేశవ్యాప్తంగా కోనా ఎలక్ట్రిక్ సేల్స్ కూడా నిలిచిపోనున్నాయి. ఎందుకంటే ఆటోమేకర్ క్రెటా ఎలక్ట్రిక్ ఇటరేషన్ పై వర్క్ చేస్తుంది. మరికొన్ని నెలల్లో క్రెటా ఎలక్ట్రిక్ వెర్షన్ లాంచ్ కానుండగా, ఈ ఏడాది చివరికల్లా ఈ ఈవీ మోడల్ ప్రొడక్షన్ లోకి వెళ్లనుంది.
![హ్యుందాయ్ కోనా ఎలక్ట్రిక్ లెఫ్ట్ సైడ్ వ్యూ Hyundai Kona Electric Left Side View](https://imgd.aeplcdn.com/0x0/statics/grey.gif)
ఇంకా ధరల విషయానికి వస్తే, క్రెటా ఐసీఈ వెర్షన్ తో పోలిస్తే క్రెటా ఈవీ మెరుగైన మరియు ప్రీమియం ఫీచర్లతో అందించబడనుంది. ధర కూడా దాదాపు రూ. 25 లక్షలు (ఎక్స్-షోరూం) ఉండవచ్చు. కోనా ఎలక్ట్రిక్ ధర రేంజ్ కి తగ్గట్లుగానే క్రెటా ఎలక్ట్రిక్ వెర్షన్ విక్రయించబడనుంది. క్రెటా నేమ్ ప్లేట్ పాపులారిటీని దృష్టిలో ఉంచుకొని, క్రెటా ఎలక్ట్రిక్ వెర్షన్ కూడా ఇదే తరహాలో సేల్స్ పరంగా అత్యధికంగా అమ్ముడయ్యే అవకాశం ఉంది.
అనువాదించిన వారు: సంజయ్ కుమార్