- జూలై-2023లో లాంచ్ అయిన ఎక్స్టర్ మోడల్
- ఎక్స్టర్ మొదటి వార్షికోత్సవంలో భాగంగా కొత్త నైట్ ఎడిషన్ ప్రారంభం
ఎక్స్టర్ లాంచ్ అయినప్పటి నుంచి హ్యుందాయ్ ఇండియా 93,000 యూనిట్లకు పైగా యూనిట్లను విక్రయించింది. మైక్రో-ఎస్యూవీ జూలై-2023లో లాంచ్ కాగా, సేల్స్ పరంగా అప్పటినుంచి విజయవంతంగా దూసుకెళ్తూ ఇండియన్ మార్కెట్లో దాని హవాను కొనసాగిస్తుంది. ఇంకా చెప్పాలంటే, ఎక్స్టర్ మొదటి వార్షికోత్సవాన్ని ఘనంగా సెలబ్రేట్ చేయడానికి హ్యుందాయ్ కంపెనీ లేటెస్టుగా ఈ మోడల్ లో స్పెషల్ నైట్ ఎడిషన్ ని లాంచ్ చేసింది.
హ్యుందాయ్ ఎక్స్టర్ కారు కూడా గ్రాండ్ i10 నియోస్ ప్లాట్ ఫారం ఆధారంగా వచ్చింది. మార్కెట్లో ఎక్స్టర్ కారు సక్సెస్ ఫుల్ గా కొనసాగడానికి దాని ప్రధాన అంశం “వాల్యూ ఫర్ మనీ” అనగా డబ్బుకు తగ్గ విలువ అనే రూల్ అని చెప్పవచ్చు. అలాగే, ఇది గ్రాండ్ i10 నియోస్ లాగే, కారులోని మరింత స్పేస్, ఫీచర్లు, మరియు ఎస్యూవీ బాడీ-స్టైల్ ఇండియన్ కస్టమర్లకు ఆకర్షిస్తుంది.
ఫీచర్ల పరంగా చూస్తే, గ్రాండ్ i10 నియోస్ కంటే ఎక్స్టర్ కారు మరిన్ని ఎక్కువ ఫీచర్లతో వచ్చింది, అందులో డిజిటల్ ఇంస్ట్రుమెంట్ క్లస్టర్, వాయిస్-అసిస్ట్ ఎలక్ట్రిక్ సన్ రూఫ్, డ్యూయల్ డ్యాష్ కెమెరా, ఆన్ బోర్డ్ నావిగేషన్ సిస్టం, నేచర్ యాంబియంట్ సౌండ్ , మరియు ప్యాడిల్ షిఫ్టర్స్ వంటి ఫీచర్లు ఉన్నాయి.
మెకానికల్ గా, ఇందులో అందించబడిన 1.2-లీటర్ ఎన్ఎ పెట్రోల్ ఇంజిన్ 5-స్పీడ్ మాన్యువల్ మరియు ఎఎంటి గేర్ బాక్సుతో జతచేయబడి వచ్చింది. అలాగే ఇది కొన్ని సెలెక్ట్ వేరియంట్లలో కంపెనీ-ఫిట్టెడ్ సిఎన్జి కిట్ ఆప్షన్ తో కూడా అందించబడింది.
టాటా పంచ్ తో పోటీగా పడుతున్న ఎక్స్టర్ మోడల్ అక్టోబర్ నెలలో 75 వేలకు పైగా బుకింగ్స్ అందుకోగా, ఈ సంవత్సరం జనవరి నెలలో ఎక్స్టర్ ఎస్యూవీ ధరలలో మార్పులు చేయబడ్డాయి. ఇంకా చెప్పాలంటే, ఇంతకుముందు ఈ మోడల్ పై నెలల తరబడి వెయిటింగ్ పీరియడ్ ఉంటుండగా, అది ఇప్పుడు గణనీయంగా తగ్గి బుకింగ్ చేసిన తేదీ 10 నుంచి 14 వారాలుగా ఉంది. అంటే ఎక్స్టర్ మోడల్ ని ఇప్పుడు చాలా ఈజీగా, తక్కువ వెయిటింగ్ పీరియడ్ తో పొందవచ్చు.
అనువాదించిన వారు: సంజయ్ కుమార్