- 11 మార్చి, 2024న లాంచ్ కానున్న క్రెటా N లైన్
- రెండు వేరియంట్లలో అందించబడనున్న కొత్త మోడల్
హ్యుందాయ్ ఇండియా రాబోయే క్రెటా N లైన్ ఎస్యూవీ యొక్క బుకింగ్స్ స్వీకరించడం ప్రారంభించింది. ఈ పెర్ఫార్మెన్స్-ట్యూన్డ్ క్రెటాను కస్టమర్లు రూ.25,000 టోకెన్ అమౌంట్ తో రెండు వేరియంట్ ఆప్షన్లతో బుక్ చేసుకోవచ్చు. అయితే, హ్యుందాయ్ కంపెనీ ఇప్పుడు క్రెటా N లైన్ యొక్క సేఫ్టీ ఫీచర్లు కూడా వెల్లడించింది.
ముందుగా ఇందులోని సేఫ్టీ ఫీచర్లు మరియు పరికరాల గురించి చెప్పాలంటే, క్రెటా యొక్క N లైన్ వెర్షన్ 42 స్టాండర్డ్ మరియు 70కి పైగా అడ్వాన్స్డ్ సేఫ్టీ ఫీచర్లను అందించనుంది. ఆరు ఎయిర్బ్యాగ్స్, ఎలక్ట్రానిక్ స్టెబిలిటీ కంట్రోల్, ఆటో హోల్డ్ ఫంక్షన్తో కూడిన ఎలక్ట్రానిక్ పార్కింగ్ బ్రేక్, హిల్ అసిస్ట్ కంట్రోల్ మరియు ఈబీడీతో కూడిన ఏబీఎస్వంటి ఫీచర్లు ఆయా రేంజ్ ని బట్టి స్టాండర్డ్ గా ఉంటాయి.
ఈ ఎస్యూవీ 360-డిగ్రీ సరౌండ్ కెమెరా, బ్లైండ్ స్పాట్ మానిటర్, ఆటోమేటిక్ హెడ్ల్యాంప్లు, ఆటోమేటిక్ వైపర్లు, ముందు మరియు వెనుక పార్కింగ్ సెన్సార్లు మరియు లెవెల్-2 ఏడీఏఎస్(అడాస్) సూట్ వంటి సరికొత్త ఫీచర్లను పొందనుంది.
మొత్తం మీద క్రెటా N లైన్ N8 మరియు N10 అనే రెండు వేరియంట్లలో మాన్యువల్ మరియు ఆటోమేటిక్ పవర్ ట్రెయిన్ ఆప్షన్లలో అందించబడనుంది. దీని మోటారు 1.5-లీటర్ టర్బో-పెట్రోల్ ఇంజన్గా 158bhp మరియు 253Nm మాక్సిమం టార్క్ను ఉత్పత్తి చేయగలదు.
అనువాదించిన వారు: సంజయ్ కుమార్