- అప్ డేటెడ్ క్రెటాతో వచ్చిన స్పెషల్ వెర్షన్
- పెట్రోల్ మరియు డీజిల్ వెర్షన్లలో లభ్యం
అప్ డేటెడ్ క్రెటా ద్వారా హ్యుందాయ్ క్రెటా నైట్ రేంజ్ మళ్ళీ తిరిగి వచ్చింది. వీటి ఎక్స్-షోరూం ధరలు రూ.14.51 లక్షల నుంచి ప్రారంభం కాగా, 1.5-లీటర్ ఎంపిఐ పెట్రోల్ మరియు 1.5-లీటర్ డీజిల్ ఇంజిన్ ఆప్షన్లతో అందుబాటులోకి వచ్చింది. నైట్ వేరియంట్ల రేంజ్ S(O) మరియు SX (O) వేరియంట్ల ఆధారంగా వచ్చింది.
ప్రీ-ఫేస్‍లిఫ్ట్ క్రెటా ద్వారా నైట్ రేంజ్ పరిచయం చేయబడగా, ఇక్కడ కూడా సిద్ధాంతం అమలు చేశారు. నైట్ రేంజ్ మోడల్ లో బ్లాక్ పెయింట్ స్కీమ్, రెడ్ బ్రేక్ కాలిపర్స్‌తో బ్లాక్ వీల్స్, మ్యాట్ లోగో, బ్లాక్ ఓఆర్‌విఎంస్ మరియు బ్లాక్ స్పాయిలర్ వంటివి హైలైట్ గా ఉన్నట్లు చెప్పవచ్చు. లోపల చూస్తే, అప్హోల్స్టరీ అంతా ఫుల్ బ్లాక్ కలర్ లో ఉండగా, లెదర్-చుట్టబడిన స్టీరింగ్ మరియు మెటల్ పెడల్స్ తో పాటుగా గేర్ లీవర్ వంటివి బ్లాక్ కలర్లో ఉన్నాయి.
క్రెటా నైట్ కారులోని 1.5-లీటర్ ఎంపిఐ పెట్రోల్ ఇంజిన్ 6-స్పీడ్ మాన్యువల్ మరియు సివిటి ట్రాన్స్‌మిషన్ తో మరియు 1.5-లీటర్ యు2 సీఆర్డీఐ డీజిల్ ఇంజిన్ 6-స్పీడ్ మాన్యువల్ ట్రాన్స్‌మిషన్ మరియు 6-స్పీడ్ ఆటోమేటిక్ ట్రాన్స్‌మిషన్ తో జతచేయబడి అందుబాటులోకి వచ్చింది. క్రెటా నైట్ ని కొనుగోలు చేసే కస్టమర్లు రూ.5,000 ఎక్కువ ధర చెల్లించి టైటాన్ గ్రే మ్యాట్ కలర్ ఆప్షన్ తో మరియు రూ.15,000 అదనపు ధరతో డ్యూయల్-టోన్ కలర్ ఆప్షన్ తో క్రెటా నైట్ కారును పొందవచ్చు.
హ్యుందాయ్ అప్ డేటెడ్ క్రెటాను 2024 ప్రారంభంలో లాంచ్ చేయగా, అప్పటి నుంచి రెండవ అతిపెద్ద విలువ కలిగి ఉన్న ఎన్-లైన్ వెర్షన్ తో క్రెటా నైట్ రేంజ్ జాయిన్ అయ్యింది. ఇంకా పోటీ విషయానికి వస్తే, క్రెటా కారు కియా సెల్టోస్, ఫోక్స్‌వ్యాగన్ టైగున్, స్కోడా కుషాక్, హోండా ఎలివేట్, మారుతి గ్రాండ్ విటారా, మరియు టయోటా అర్బన్ క్రూజర్ హైరైడర్ వంటి కార్లతో పోటీపడుతుంది.
హ్యుందాయ్ క్రెటా రేంజ్ ధరలు క్రింది విధంగా ఉన్నాయి:
క్రెటా నైట్ పెట్రోల్ వేరియంట్ల ఎక్స్-షోరూం ధరలు:
| క్రెటా నైట్ వేరియంట్ | ఎక్స్-షోరూం ధర (లక్షలు) |
| క్రెటా నైట్ S(O) ఎంటి | రూ. 14.51 లక్షలు |
| క్రెటా నైట్ S(O) ఐవిటి | రూ. 16.00 లక్షలు |
| క్రెటా నైట్ SX (O) ఎంటి | రూ. 17.42 లక్షలు |
| క్రెటా నైట్ SX (O) ఐవిటి | రూ. 18.88 లక్షలు |
క్రెటా నైట్ డీజిల్ వేరియంట్ల ఎక్స్-షోరూం ధరలు:
| క్రెటా నైట్ వేరియంట్ | ఎక్స్-షోరూం ధర (లక్షలు) |
| క్రెటా నైట్ S(O) ఎంటి | రూ. 16.08 లక్షలు |
| క్రెటా నైట్ S(O) ఐవిటి | రూ. 17.58 లక్షలు |
| క్రెటా నైట్ SX (O) ఎంటి | రూ. 18.99 లక్షలు |
| క్రెటా నైట్ SX (O) ఐవిటి | రూ. 20.14 లక్షలు |
అనువాదించిన వారు: సంజయ్ కుమార్
