- జనవరి-2025లో అరంగేట్రం
- 2025 భారత్ మొబిలిటీ ఎక్స్‌పోలో ప్రదర్శన
కోనా ఎలక్ట్రిక్ కారు సెగ్మెంట్లో ఆశించినంత మేర రాణించకపోవడంతో, హ్యుందాయ్ ఇండియా ఒక కొత్త మిడ్-సైజ్ ఆల్-ఎలక్ట్రిక్ ఎస్‍యూవీని తీసుకురావాలని ప్లాన్ చేస్తుంది. దీని తగ్గట్టుగా ప్రొడక్టుపై వర్క్ చేస్తుంది. ఎలాగైనా ఈసారి విజయవంతం అవ్వాలని కొరియన్ ఆటోమేకర్ ఇండియాలో దాని బెస్ట్ సెల్లింగ్ ఎస్‍యూవీని సెలెక్ట్ చేసుకుంది. అదేదో కాదు, దాని పేరే క్రెటా. ఈ మోడల్ కి వచ్చిన క్రేజ్ మరే మోడల్ కూడా సాధించలేకపోయింది. అంతలా కస్టమర్ల హృదయాలను గెలుచుకుంది. ఇప్పుడు, ఈ కారు ఇండియాలో ఎప్పుడు అరంగేట్రం చేయనుందో తెలిసిపోయింది. క్రెటా ఈవీ కారు ఈ సంవత్సరం చివరలో అరంగేట్రం చేయనుండగా, జనవరి-2025లో లాంచ్ కానుంది.
క్రెటా ఈవీ గురించి మాకు తెలిసింది ఏంటి అంటే, ఈ కారు పూర్తిగా కొత్తగా కాకుండా లేదా కోనా ప్లాట్ ఫారం పై కాకుండా క్రెటా K2 ప్లాట్ ఫారం మాడిఫైడ్ వెర్షన్ పై తయారుకానుంది. దీని వల్ల కార్ మేకర్ ఈ కారు తయారీ ఖర్చును అదుపులో ఉంచుతుంది. అదేవిధంగా చాలా వరకు దాని విడి భాగాలను (స్పేర్ పార్ట్స్) ని ఐసీఈ క్రెటా మరియు క్రెటా ఈవీ మధ్య షేర్ చేసుకుంటుంది.
ప్రస్తుతం క్రెటా ఈవీలో అందించబడే పవర్ ట్రెయిన్, బ్యాటరీ ప్యాక్, మరియు టెక్నికల్ స్పెసిఫికేషన్స్ వివరాలు చాలా తక్కువగా ఉన్నాయి. కాకపోతే, క్రెటా ఈవీ దాదాపు 500 కిలోమీటర్ల డ్రైవింగ్ రేంజ్ ని అందించడానికి రెండు బ్యాటరీ ప్యాక్ ఆప్షన్లతో వస్తే బాగుంటుందని మేము భావిస్తున్నాం. ఇప్పుడు పోల్చి చూడడానికి, టాటా కర్వ్ ఈవీని సెలెక్ట్ చేసుకుందాం. కర్వ్ ఎలక్ట్రిక్ కారు 45kWh యూనిట్ మరియు 55kWh యూనిట్ అనే రెండు బ్యాటరీ ప్యాక్ ఆప్షన్లతో వచ్చింది. ఈ రెండు బ్యాటరీ ప్యాక్స్ వరుసగా 502 కిలోమీటర్ల క్లెయిమ్డ్ డ్రైవింగ్ రేంజ్ ని మరియు 585 కిలోమీటర్ల క్లెయిమ్డ్ డ్రైవింగ్ రేంజ్ ని అందిస్తున్నాయి.
పోటీ విషయానికి వస్తే, టాటా కర్వ్ ఈవీ మరియు క్రెటా ఈవీ వంటి కార్లతో మాత్రమే కాకుండా మహీంద్రా XUV400 మరియు బివైడి అట్టో 3 వంటి ఇతర కార్లతో కూడా పోటీపడుతుంది. ఇంకా చెప్పాలంటే, సుజుకి నుంచి వస్తున్న ఫస్ట్ ఆల్-ఎలక్ట్రిక్ వెహికిల్ eVX భారత్ మొబిలిటీ ఎక్స్‌పో-2025లో అరంగేట్రం చేయనుండగా, ఈ కారు క్రెటా ఈవీకి ప్రధాన ప్రత్యర్థిగా మారనుంది.
అనువాదించిన వారు: సంజయ్ కుమార్
