- రూ. 14.99 లక్షలతో ధరలు ప్రారంభం
- 9 కలర్స్ మరియు 4 వేరియంట్లలో లభ్యం
హ్యుందాయ్ ఇటీవల అల్కాజార్ ఫేస్లిఫ్ట్ ని రూ. 14.99 లక్షల ప్రారంభ ధరతో ఇండియన్ మార్కెట్లో మొత్తానికి లాంచ్ చేసింది. ఇప్పుడు, లాంచ్ అయిన తర్వాత, ఈ మూడు-వరుసల క్రెటా-ఆధారిత ఎస్‌యువి దేశవ్యాప్తంగా ఉన్న డీలర్‌షిప్‌ల వద్దకు చేరుకోవడం కూడా ప్రారంభమైంది.
కొత్త అల్కాజార్మోడల్ ప్లాటినం, సిగ్నేచర్, ప్రెస్టీజ్ మరియు ఎగ్జిక్యూటివ్ అనే 4వేరియంట్లలో లభిస్తుంది. కలర్ ఆప్షన్స్ విషయానికొస్తే, ఈ ఎస్‌యువి రోబస్ట్ ఎమరాల్డ్, స్టార్రీ నైట్, రేంజర్ ఖాకీ, ఫియరీ రెడ్, అబిస్ బ్లాక్, అట్లాస్ వైట్, అట్లాస్ వైట్ తో బ్లాక్ రూఫ్, టైటాన్ గ్రే మ్యాట్ మరియు రోబస్ట్ ఎమరాల్డ్ మ్యాట్ వంటి 9 ఎక్స్‌టీరియర్ కలర్ ఆప్షన్స్ తో అందుబాటులో ఉంది.
అల్కాజార్ టాప్-స్పెక్ వెర్షన్ పెద్ద పనోరమిక్ సన్‌రూఫ్, వైర్‌లెస్ ఛార్జర్‌లు, డ్యూయల్-జోన్ క్లైమేట్ కంట్రోల్, లెవెల్ 2 ఎడాస్ (ఏడీఏఎస్) సూట్, బ్లైండ్ స్పాట్ మానిటర్‌తో కూడిన 360-డిగ్రీ సరౌండ్ కెమెరా, డిజిటల్ ఇన్‌స్ట్రుమెంట్ క్లస్టర్, పెద్ద టచ్‌స్క్రీన్ ఇన్ఫోటైన్‌మెంట్ వైర్‌లెస్ స్మార్ట్‌ఫోన్ కనెక్టివిటీతో స్క్రీన్, వెంటిలేటెడ్ ఫ్రంట్ మరియు సెకండ్ రో సీట్స్ మరియు పవర్డ్ ఫ్రంట్ సీట్స్ వంటి అనేక ఫీచర్లను పొందింది.
హుడ్ కింద, అప్‌డేటెడ్ అల్కాజార్ రెండు పవర్‌ట్రెయిన్ ఆప్షన్లతో 1.5-లీటర్ టర్బో-పెట్రోల్ మరియు 1.5-లీటర్ డీజిల్ ఇంజిన్ ను పొందింది. అలాగే, దీని ఏఆర్ఏఐ- సర్టిఫైడ్ మైలేజ్ కూడా వెల్లడవ్వగా, మరోవైపు, ఎస్‌యువి పెట్రోల్ వెర్షన్ మరియు డీజిల్ వెర్షన్ రెండింట్లోవరుసగా 18కెఎంపిఎల్ మరియు 20.4కెఎంపిఎల్ వరకు మైలేజీని అందిస్తున్నట్లు హ్యుందాయ్ వెల్లడించింది.
అనువాదించిన వారు: రాజపుష్ప
